RSS

Golwg360

MwyCau 

Cymuned yn pleidleisio’n unfrydol o blaid prynu Tafarn Sinc

Gorffennaf 13, 2017 12:08 Diweddarwyd am 12:12


Pawb o blaid (Llun: Hefin Wyn)
Fe ddaeth dros gant o bobol ynghyd neithiwr ym Mro’r Preseli, ac maen nhw wedi pleidleisio’n unfrydol o blaid prynu tafarn leol.

Mae Tafarn Sinc ym mhentref Rhos-y-bwlch ger Maenclochog wedi bod ar werth am bris o £295,000 ers mis Ionawr, ac yn ôl y perchnogion presennol mi fydd yn cau os na fydd yn gwerthu cyn mis Hydref.

Cafodd y cyfarfod neithiwr ei drefnu gan bapur bro’r ardal, Clebran, a phenderfynodd y gymuned y byddai modd prynu hyd at ddeg cyfran gwerth £200 yr un.

Mae cyfrif banc eisoes wedi ei sefydlu gan y gymuned ac mi gafodd £5,000 ei gasglu cyn diwedd y cyfarfod neithiwr.

Yn ôl golygydd Clebran, Hefin Wyn, oedd yn llywio’r cyfarfod yn Neuadd Maenclochog, mae’r tafarn yn “ganolbwynt i Gymreictod” yr ardal ac yn rhan o hunaniaeth y fro.

“Canolbwynt Cymreictod”

“Mae yna deimladau cryfion yn yr ardal bod yna rhywbeth arbennig am y dafarn, bod e’n fwy na dim ond tafarn,” meddai Hefin Wyn wrth golwg360. “Bod eisiau ei gadw ef, a chynnal ei Gymreictod a hyrwyddo’r Cymreictod ymhellach.

“Mae’n ganolbwynt i Gymreictod naturiol yr ardal. Dyw e ddim yn dafarn sydd wedi cael ei glustnodi i fod yn dafarn Cymraeg o gwbwl oherwydd ei fod mewn ardal Gymreig a Chymraeg. Mae’n naturiol Gymraeg.

“Dw i’n gweld bod Tafarn Sinc yr un mor bwysig o ran hunaniaeth yr ardal ag yw Ysgol y Preseli, Clwb Rygbi Crymych a Chaffi Beca Efail Wen. Mae’r rhain i gyd yn sefydliadau naturiol Gymreig.”

Bydd y cyfarfod nesaf yn cael ei gynnal yn ystod mis Awst.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.