Canolfan gerbydau trenau yn creu 300 swydd yng Nghasnewydd

Diweddarwyd am  


Mae cwmni o Sbaen sydd yn cynhyrchu offer a cherbydau rheilffyrdd wedi cyhoeddi ei bod yn bwriadu creu 300 o swyddi yng Nghymru.

Ar ôl ystyried cant o safleoedd ledled y Deyrnas Unedig, mae Construcciones y Auxiliar de Ferrocarriles (CAF) wedi dewis Parc Busnes Celtic yng Nghasnewydd ar gyfer ei ganolfan newydd.

 chymorth grant gan Lywodraeth Cymru, bydd £30m yn cael ei fuddsoddi yn y ganolfan – y cyntaf o’r math yng Nghymru.

Bydd y cwmni’n defnyddio’r cyfleuster newydd i gydosod, profi a chomisiynu cerbydau newydd ac mae’n debyg bod lle er mwyn ehangu’r safle yn y dyfodol.

“Potensial aruthrol”

“Bydd y buddsoddiad sylweddol hwn gan CAF a Llywodraeth Cymru yn sylfaen ar gyfer datblygu sector y rheilffyrdd yng Nghymru a bydd yn rhoi lle canolog inni mewn diwydiant sydd â photensial aruthrol i dyfu,” meddai Ysgrifennydd yr Economi, Ken Skates.

“Yn ogystal â chreu 300 o swyddi o’r calibr uchaf, bydd yn cyd-fynd hefyd â buddsoddiad anferth Llywodraeth Cymru ym Metro’r de-ddwyrain.

“Caiff manylion hwnnw eu cyhoeddi ymhen rhai wythnosau.”

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd