RSS

Golwg360

MwyCau 

Centrica yn beirniadu cynlluniau i roi cap ar brisiau ynni

Mai 8, 2017 08:23 Diweddarwyd Mai 9, 2017 08:03


Nwy Prydain
Mae Centrica, perchennog Nwy Prydain, wedi beirniadu cynlluniau’r Llywodraeth i roi cap ar brisiau ynni, gan rybuddio y gall arwain at filiau uwch i gwsmeriaid a lleihau cystadleuaeth.

Dywed y cwmni ynni ei fod wedi cynnal trafodaethau rheolaidd gyda gweinidogion ac wedi awgrymu “ffyrdd amgen” i wella’r farchnad a mynd i’r afael a phryderon heb orfod rheoleiddio prisiau.

Mewn datganiad dywedodd Centrica nad yw’n cefnogi “unrhyw ffurf o reoleiddio prisiau. Mae tystiolaeth o wledydd eraill yn awgrymu y byddai hyn yn arwain at lai o gystadleuaeth a dewis, ac o bosib, prisiau uwch ar gyfartaledd.”

Cafodd y diwydiant ynni ergyd ym mis Ebrill ar ôl i’r Ysgrifennydd Gwaith a Phensiynau Damian Green gadarnhau y bydd y Llywodraeth yn rhoi cap ar brisiau ynni os yw’n ennill yr etholiad cyffredinol ym mis Mehefin.

Yn y cyfamser mae Centrica yn dweud ei fod wedi colli 261,000 o gwsmeriaid yn y chwarter cyntaf, gan gadarnhau y bydd yn torri costau o £250 miliwn ac wrthi’n cael gwared a 1,500 o swyddi eleni.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.