Disgwyl i Brexit godi pris bara yn Iwerddon

 


Gallai pris torth o fara godi 8.7 ceiniog yn Iwerddon o ganlyniad i Brexit, yn ôl arbenigwyr yn y diwydiant.

Daw 80% o’r blawd sy’n cael ei ddefnyddio i wneud bara Gwyddelig o wledydd Prydain, ac fe allai’r penderfyniad i adael yr Undeb Ewropeaidd olygu bod tariff ychwanegol yn cael ei roi ar fara heb fod cytundeb yn ei le.

Pe bai cynhyrchwyr Gwyddelig yn troi at gwmnïau Prydeinig sy’n gweithredu o fewn yr Undeb Ewropeaidd er mwyn osgoi rhwystrau, yna mae’n debygol y byddai swyddi’n cael eu colli, yn ôl Cymdeithas Felinwyr Prydain ac Iwerddon.

Tariff

Dywedodd y cyfarwyddwr Alex Waugh: “Mae’n eithaf dibynnol ar chwyddiant, gan gymryd bod y blawd yn parhau i ddod o’r un ffynhonnell ag y mae ar hyn o bryd.

“Unwaith ry’ch chi’n cyflwyno tariff mae popeth yn newid, felly y tebygolrwydd yw y byddai’r blawd sy’n dod o’r DU ar hyn o bryd yn dod o rywle arall yn yr Undeb Ewropeaidd lle na fyddai tariff.”

Canlyniad hynny, meddai, fyddai colli swyddi yng ngwledydd Prydain.

“Yr hyn ry’n ni’n ei weld yw gwleidyddion yn ceisio ymateb i wahanol bwysau mewn llefydd gwahanol.

“O safbwynt ein busnes, mae cynnal y masnach heb dariff rhwng y DU ac Iwerddon yn hanfodol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd