Cyhuddo cwmnïau ynni ‘o wneud chwe gwaith yn fwy o elw’

Diweddarwyd am  


(Llun: Yui Mok/PA)
Mae cwmnïau ynni wedi cael eu cyhuddo o wneud mwy o elw nag y maen nhw’n ei gyfaddef, yn dilyn ymchwiliad i sefyllfa ariannol y cwmnïau.

Yn ôl ymchwiliad gan bapur newydd The Sun, mae cyflenwyr yn codi gormod ar deuluoedd ac yn gwneud chwe gwaith yr elw na’r hyn maen nhw’n ei gyhoeddi.

Mae’r honiadau yn seiliedig ar adroddiad a gomisiynwyd gan Energy UK sy’n cynrychioli’r cwmnïau ynni, yn ôl cwmni cyfrifwyr PWC.

Yn ôl y papur newydd, mae copi gwreiddiol o’r adroddiad wedi dod i law sy’n dweud bod y gost o gyflenwi nwy a thrydan i gartrefi “llawer yn is” na’r hyn mae teuluoedd yn ei dalu gyda’r Chwe Chwmni ynni mawr.

Honnir bod y  gost i gyflenwyr – fel prynu nwy, cynnal canolfannau galwadau a cheblau trydan – yn £844 y flwyddyn i ddarparu ynni i un cartref yn 2016.

Ond mae’r mwyafrif o deuluoedd gyda’r Chwe Chwmni ynni mawr yn talu cymaint â £1,172 sy’n rhoi elw i’r cwmnïau o £272, yn ôl y papur newydd.

Mae’r papur wedi cyhuddo Energy UK o ddewis a dethol rhannau o’r adroddiad i gyhoeddi ar eu gwefan ond wedi methu a chynnwys y manylion am elw.

Ond mae Energy UK wedi “gwrthod yn llwyr unrhyw awgrymiadau bod yr adroddiad wedi newid elw’r cyflenwyr.”

Mae’r Ysgrifennydd Busnes Greg Clark wedi dweud y bydd yn galw am gyfarfod gydag Energy UK  i drafod y canfyddiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd