Cyfle ‘heb ei ail’ i wella rheilffyrdd

 


Arriva sydd a'r drwydded ar hyn o bryd (Llun Golwg360)
Mae ymgyrchwyr tros well rheilffyrdd yng ngogledd Cymru yn dweud bod y gystadleuaeth am drwydded i gynnal gwasanaethau yng Nghymru yn gyfle “na allwn ei golli”.

Mae Tasglu Rheilffordd Gogledd Cymru’n galw am fuddsoddi £1 biliwn i wella rheilffyrdd yno ac yn dweud y dylai gwella’r gwasaneth fod yn un o amodau’r drwydded newydd.

Fe fyddai hynny fydd “yn diogelu’r system at y dyfodol ac yn galluogi’r gwaith o foderneiddio, gwella  ac ehangu’r rhwydweithiau rheilffordd ymhellach,” meddai un o’r tasglu, Iwan Prys Jones.

O flaen y Pwyllgor Dethol

Ganol yr wythnos hon, fe fu’r Tasglu’n cyflwyno tystiolaeth i’r Pwyllgor Dethol ar Faterion Cymreig yn Nhŷ’r Cyffredin, gan ddadlau y byddai buddsoddiad o biliwn yn arwain at greu 70,000 o swyddi yn y Gogledd.

Roedd  Ken Skates, yr Ysgrifennydd dros yr Economi yn Llywodraeth Cymru hefyd wedi dadlau bod y gystadleuaeth am drwydded newydd ar gyfer Cymru a’r Gororoau yn “gyfle sy’n dod unwaith mewn cenhedlaeth”.

Cafodd Tasglu Rheilffordd Gogledd Cymru, sy’n cynnwys arweinwyr gwleidyddol a sector cyhoeddus a chynrychiolwyr busnes, ei greu i dynnu sylw at yr angen am welliannau i reilffyrdd ar draws y rhanbarth.

‘Hanfodol’

“Mae cysylltiadau rheilffyrdd da yn hanfodol ar gyfer iechyd yr economi ar bob lefel – o’r corfforaethau mwya’ i’r micro fusnesau lleia;,” meddai Ashley Rogers, un o’r cynrychiolwyr a fu’n cyflwyno tystiolaeth ar ran y Tasglu.

“Mae angen i ni drawsnewid profiad teithwyr drwy ei gwneud yn bosib i ddarparu gwasanaethau trên cyflymach ac amlach sy’n diwallu anghenion y teithwyr.”

  • Ar ôl 2017, fe fydd gan Lywodraeth Cymru yr hawl i osod amodau ar gyfer y drwydded reilffordd a nhw fydd yn penderfynu ar yr enillydd pan ddaw trwydded Arriva i ben yn 2018.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd