Undeb yn gofidio am ddiffyg gwersi cerdd mewn ysgolion

Diweddarwyd am  
Piano

Piano

Llun: Maxpixel.net

Mae undeb athrawon yn galw am gynllun cenedlaethol ar gyfer dysgu cerddoriaeth mewn ysgolion yng Nghymru.

Daw’r alwad yn ystod cynhadledd NEU Cymru yng ngwesty’r Celtic Manor yng Nghasnewydd.

Cymru yw’r unig wlad o blith gwledydd Prydain sydd heb gynllun penodol, wrth i’r undeb rybuddio bod y pwnc yn dechrau dod yn “elitaidd”, gyda’r rheiny sy’n gallu fforddio gwersi’n unig yn cael y cyfle i ddysgu chwarae offerynnau.

Dywed yr undeb nad yw hynny’n “deg nac yn gyfiawn”.

Cyflwyno cynnig

Bydd cynnig yn cael ei gyflwyno ar y pwnc yn ystod y gynhadledd.

Mae’n dweud bod y sefyllfa “yng ngwlad y gân yn warthus”.

“Mae addysg cerddorol ac arbenigedd mewn offerynnau yn dod yn dir y rhai sydd ag arian ac yn rhan o dirwedd elitaidd nad yw’n deg nac yn gyfiawn.

“Mae Cynhadledd Cymru’n gorchymyn y pwyllgor gwaith gydag NEU Cymru i ymgyrchu, negodi a thrafod gyda Llywodraeth Cymru sut y dylid paratoi, prisio a chyflwyno’r fath gynllun fel ei fod o fudd i holl bobol ifanc Cymru.

“Mae Cynhadledd Cymru, ymhellach, yn gorchymyn y pwyllgor gwaith i gydweithio â’r holl bobol sydd â buddiant er mwyn sicrhau nad yw ein treftadaeth gerddorol gyfoethog yn mynd yn angof.”

Gwelliant

Mae gwelliant hefyd yn galw ar Lywodraeth Cymru i gynydd gwariant awdurdodau lleol i ddarparu gwersi cerddoriaeth ac i warchod y gwariant hwnnw.

Mae hefyd yn galw am gynllun ‘hawl i brynu neu rentu’ offerynnau er mwyn sicrhau mynediad parhaus i ddisgyblion i’r adnoddau sydd eu hangen ar gyfer gwersi.

Noda’r gwelliant hefyd y dylid cyflwyno ‘safonau aur’ er mwyn mesur perfformiad ac ansawdd darpariaeth awdurdodau lleol ym maes cerddoriaeth.

‘Hanes balch’

“Mae creadigrwydd wrth galon y cynlluniau ar gyfer Cwricwlwm newydd, felly mae angen cymryd pryderon aelodau am gerddoriaeth mewn ysgolion o ddifrif,” meddai David Evans, Ysgrifennydd Cymru NEU Cymru.

“Byddwn ni’n ceisio cydweithio â’n partneriaid i dynnu sylw at dranc addysg cerddoriaeth, gan ofyn i Lywodraeth Cymru baratoi cynllun sydd wedi’i brisio, er mwyn sicrhau y bydd o fudd i bob person ifanc yng Nghymru, ac er mwyn sicrhau nad yw ein hanes cerddorol balch yn cael ei golli.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones