“Dim cais swyddogol” wedi dod i ail-enwi rhan o Pontio ar ôl dramodydd

Diweddarwyd am  

Pontio, Bangor

Llun: Prifysgol Bangor

Does yna ddim “cais swyddogol” wedi’i gyflwyno i Brifysgol Bangor ynglyn â’r posibilrwydd o ail-enwi rhan o ganolfan Pontio ar ôl y dramodydd, John Gwilym Jones.

Mae awdurdodau’r Coleg ar y Bryn wedi cadarnhau wrth golwg360 nad ydi grwp o stiwdants sy’n awyddus i weld y Stiwdio yn cael ei hail-fedyddio er cof am y dramodydd o’r Groeslon ger Caernarfon, eto wedi cyflwyno cais na chynnig ffurfiol.

“Am y rheswm hwnnw, fydd y brifysgol ddim yn gwneud sylw ar y posibilrwydd o ail-enwi rhan o ganolfan gelfyddydau Pontio,” meddai llefarydd ar ran Prifysgol Bangor wrth golwg360.

Dydi’r coleg, chwaith, meddai’r llefarydd, ddim yn ymwybodol o unrhyw gyfarfodydd na thrafodaeth ar y  mater.

Yr wythnos ddiwethaf, roedd Cymdeithas John Gwilym Jones, a gafodd ei sefydlu yn 2017 gan fyfyrwyr Cymraeg Bangor, wedi anfon llythyr allan yn cyflwyno’r syniad o ail-enwi’r Stiwdio ar ôl awdur Ac Eto Nid Myfi, Lle Mynno’r Gwynt, Y Tad a’r Mab, ac Yr Adduned.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed