Mae’r newyddiadurwraig ddadleuol Katie Hopkins wedi corddi’r dyfroedd unwaith eto drwy ofyn a yw’r Saesneg wedi’i gwahardd yn yr ystafell ddosbarth yng Nghymru.
Daeth y cwestiwn ar ei thudalen Twitter wrth iddi “alw ar rieni Cymru” am ateb.
Wrth roi’r is-bennawd, “Parthed Addysg Cyfrwng Cymraeg Orfodol”, mae hi’n mynd yn ei blaen i ofyn, “A yw’r Saesneg wedi’i gwahardd fel cyfrwng sgwrs yn ystafell ddosbarth eich plentyn?”
Mewn cwestiwn pellach, mae hi’n gofyn, “A yw eich plentyn wedi’i effeithio?” cyn gofyn y cwestiwn atodol, “Ydych chi’n addysgwr cartref yng Ngheredigion?”
Mae’r neges wedi cael ei haildrydar ddegau o weithiau, ac mae degau o bobol wedi ymateb iddi hyd yn hyn.
CALLING PARENTS OF WALES:
Re Mandatory Welsh Medium Education.
Is English banned as a medium of conversation in your child’s school classroom?
Has your child been impacted?
Are you a home educator in Ceredigion? Katie@katiehopkins.co.uk
— Katie Hopkins (@KTHopkins) September 9, 2018