Abertawe’n anrhydeddu Hillary Clinton

 


Hillary Clinton mewn rali (Gage Skidmore CCA3.0)
Mae Prifysgol Abertawe wedi cyhoeddi y bydd cyn Ysgrifennydd Gwladol yr Unol Daleithiau, Hillary Clinton, yn derbyn gradd doethur er anrhydedd.

Fe fydd y wraig a gafodd fwy o bleidleisiau na’r Arlywydd Donald Trump, ond a gollodd yr etholiad y llynedd, yn dod i’r ddinas i dderbyn ei gradd.

Yn ôl y brifysgol bydd yr anrhydedd yn  cael ei gyflwyno i’r gwleidydd am ei “hymrwymiad i hyrwyddo hawliau teuluoedd a phlant ledled y byd”.

Dyma fydd ymddangosiad cyhoeddus cyntaf Hillary Clinton yn ystod ei hymweliad â’r Deyrnas Unedig ym mis  Hydref.

‘Anrhydedd’

“Mae’n anrhydedd cyflwyno’r wobr hon i Hillary Rodham Clinton,” meddai is-ganghellor Prifysgol Abertawe, yr Athro Richard Davies.

“Mae’n ffigwr o arwyddocâd rhyngwladol enfawr, a rhywun sydd wedi cyflawni llawer dros hawliau dynol, yn enwedig hawliau plant a phobl ifanc.”

Yn ogystal â bod yn wleidydd rhyngwladol yn ei rhinwedd ei hun, fe ddaeth Hillary Clinton yn enwog yng nghyfnod ei gŵr, Bill, yn Arlywydd yr Unol Daleithiau.

Mae arbenigwyr achau wedi olrhain gwreiddiau Hillary Clinton yn ôl i sawl man yn ne Cymru, gan gynnwys Sir Benfro ac Ystradyfodwg yn y Rhondda.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd