RSS

Golwg360

MwyCau 

Galw am wersi gwyddoniaeth sy’n “herio ac ysgogi”

Medi 20, 2017 07:59


Mae adolygiad gan Estyn, y corff sy’n arolygu addysg yng Nghymru, yn nodi fod angen i ysgolion uwchradd gynnig gwersi gwyddoniaeth sy’n herio disgyblion.

Yn ôl yr adroddiad, mae disgyblion 11-14 oed yn gwneud “cynnydd da” o ran gwyddoniaeth mewn tua hanner yn unig o’r gwersi.

Wrth iddyn nhw gyrraedd 14-16 oed, mae’r cynnydd hwnnw’n codi i 70% mewn gwersi gwyddoniaeth.

Am hynny, mae’r adroddiad ‘Gwyddoniaeth yng nghyfnod allweddol 3 a chyfnod allweddol 4’ yn argymell darparu gweithgareddau “heriol ac ysgogol” ym mhob gwers wyddoniaeth i wella safonau.

Gweithgareddau diddorol

“Yn y gwersi gwyddoniaeth gorau, mae athrawon yn meddu ar wybodaeth bynciol gref ac maen nhw’n datblygu dealltwriaeth disgyblion gydag ystod o weithgareddau diddorol,” meddai Meilyr Rowlands, Prif Arolygydd Estyn.

“Maen nhw’n esbonio cysyniadau’n glir, yn darparu gwaith ymarferol wedi’i gynllunio’n dda, yn gwneud defnydd da o TGCh, ac mae ganddyn nhw ddisgwyliadau uchel,” ychwanegodd.

Rhannu arfer da

Mae’r adroddiad hefyd am weld mwy o gefnogaeth gan awdurdodau lleol a chonsortia rhanbarthol i gefnogi athrawon gwyddoniaeth i wella addysgu, asesu a rhannu arferion da.

Yn ogystal, dylai Llywodraeth Cymru “ymgyrchu i ddenu mwy o raddedigion gwyddoniaeth” i addysgu yng Nghymru.

Mae’r adroddiad yn tynnu sylw nad yw’r nifer o athrawon gwyddoniaeth ôl-raddedig sy’n cael eu hyfforddi wedi bodloni targedau cenedlaethol yn ddiweddar.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.