‘Cam sylweddol’ Ysgol Gymraeg Y Trallwng

 


Llun: PA
Mae’r ysgol benodedig Gymraeg gyntaf yn ardal Y Trallwng wedi agor yn y dref heddiw.

Ar hyn o bryd does dim newid i ddisgyblion wrth i’r ysgol agor ar safle dros dro Ysgol Feithrin a Babanod Ardwyn.

Er hyn y bwriad ydy agor yr Ysgol Gymraeg ar safle Ysgol Maesydre erbyn mis Medi’r flwyddyn nesaf gyda lle ar gyfer tua 150 o ddisgyblion.

Dywedodd llefarydd ar ran Cyngor Powys fod hwn yn “gam sylweddol” yn y broses o “agor ysgolion newydd yn y dref”.

Penodiadau

Y pennaeth newydd ar gyfer yr Ysgol Gymraeg yw Bethan Bleddyn a fu’n bennaeth ar Ysgol Dyffryn Trannon, Trefeglwys cyn hynny.

Fe fydd Laura Jones, oedd yn ddirprwy Bennaeth Ysgol Feithrin a Babanod Ardwyn, yn dod yn ddirprwy bennaeth yn yr Ysgol Gymraeg newydd.

Ysgolion cyfrwng Cymraeg a Saesneg

Mae sefydlu’r Ysgol Gymraeg yn golygu cau pedair ysgol arall, sef Ysgol Fabanod Ardwyn, Ysgol Fabanod Yr Eglwys yng Nghymru Gungrog, Ysgol Gynradd Maesydre ac Ysgol Fabanod Oldford.

Mae’n rhan o gynlluniau i fuddsoddi £13m yn addysg gynradd y dref gydag ysgol cyfrwng Saesneg yr Eglwys yng Nghymru yn agor heddiw hefyd.

Fe fydd yr ysgol honno’n gweithredu o safleoedd ysgolion Maesydre, Gungrog ac Oldford am y tro tan y bydd yr adeilad newydd yn barod ar safle ger Ysgol Uwchradd Y Trallwng.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd