RSS

Golwg360

MwyCau 

Cwymp lefel A yn ‘dangos gwendid’ addysg Gymraeg

Awst 18, 2017 08:07


Canlyniadau arholiadau (Llun PA)
Mae angen bwrw ymlaen ar unwaith gyda chynlluniau i gael un cymhwyster Cymraeg ar gyfer disgyblion o bob lefel.

Dyna alwad Cymdeithas yr Iaith Gymraeg ar ôl i nifer y disgyblion ysgol sy’n cymryd Lefel A Cymraeg syrthio unwaith eto.

Mae’r cwymp yn “destun pryder” ac mae angen gweithredu “ar frys”, meddai Cadeirydd y Gymdeithas, Heledd Gwyndaf.

Y ffigurau

Roedd y canlyniadau Lefel A ddoe yn dangos bod y nifer yn sefyll arholiad Cymraeg wedi cwympo o 609 i 565 – hynny ar ben cwymp o gyfanswm o fwy na 900 bum mlynedd yn ôl.

Yn ôl y Gymdeithas, roedd y gostyngiad eleni yn 7% a hynny ar ben gostyngiad o 10% y flwyddyn gynt.

Yr ateb, medden nhw, yw bwrw ymlaen gyda’r bwriad i greu un cymhwyster Cymraeg, gan ddiddymu’r syniad o ‘Gymraeg ail iaith’.

Meddai’r Gymdeithas

“Mae’r ffigyrau pryderus hyn, sy’n rhan o batrwm, yn tanlinellu gwendid strategaeth iaith y Llywodraeth, sydd heb gynllunio ar gyfer twf digonol yn addysg cyfrwng Cymraeg,” meddai Heledd Gwyndaf.

“Er gwaetha’ ymrwymiad, rydyn ni’n dal i aros cynllun pendant gan y Llywodraeth a Chymwysterau Cymru ar gyfer diddymu Cymraeg ail iaith a sefydlu un cymhwyster i bob disgybl yn ei le.

“Dylai’r Gymraeg fod yn iaith i bawb, nid i’r rhai ffodus yn unig. Mae’r ffigyrau heddiw hefyd yn pwysleisio’r angen i sicrhau bod pob ysgol yn darparu rhywfaint o addysg cyfrwng Cymraeg i’w disgyblion fel bod addysg cyfrwng Cymraeg i bawb.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.