Undeb myfyrwyr yn siomedig â chodiad mewn ffioedd dysgu

Diweddarwyd am  


Myfyrwyr yn graddio (Clawed CCA 3.0)
Mae arweinydd Undeb Cenedlaethol y Myfyrwyr (UCM Cymru) wedi beirniadu cyhoeddiad Llywodraeth Cymru i godi ffioedd dysgu yn unol â chwyddiant.

Mae Llywydd yr Undeb, Ellen Jones, wedi mynd gam ymhellach gan alw ar Lywodraeth Cymru i amddiffyn ei “holl gyllideb addysg” fel sy’n digwydd gyda’r gyllideb iechyd.

Dywed fod caniatáu i ffioedd dysgu godi yn unol â chwyddiant yn golygu y gallai myfyrwyr yng Nghymru dalu £9,295 y fwyddyn o 2018/19 ymlaen.

“Beth bynnag fydd Llywodraeth Cymru yn ei ddweud, mae cyhoeddiad heddiw yn gwneud y dasg o roi cymorth i fyfyrwyr i gael mynediad i addysg uwch yn anoddach – nid yn haws,” meddai Ellen Jones.

‘Cam yn ôl’

Dywedodd ei bod yn siomedig bod “myfyrwyr yn cael eu defnyddio i ysgwyddo baich” pwysau cyllidebau Llywodraeth y Deyrnas Unedig.

“Ein hymagwedd at gyllid myfyrwyr yw y dylai Cymru symud yn bragmataidd at addysg sy’n rhydd rhag ffioedd. Wrth ystyried hynny, mae heddiw yn gam mawr yn ôl,” ychwanegodd.

Dywedodd ei bod am weld mwy yn cael ei wneud i gynorthwyo myfyrwyr sy’n astudio’n rhan amser yng Nghymru gan alw hefyd am gyflwyno cynhaliaeth i ôl-raddedigion yn gynt na yn 2019/20.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd