RSS

Golwg360

MwyCau 

Ffrwd Gymraeg Aberhonddu – cynghorwyr yn cwrdd â rhieni

Mehefin 19, 2017 14:13 Diweddarwyd Mehefin 20, 2017 19:12


Llun: Gwefan Cyngor Powys
Mae aelodau o Gabinet Cyngor Sir Powys wedi cwrdd â rhieni i drafod dyfodol ffrwd Gymraeg Ysgol Uwchradd Aberhonddu.

Daw hyn er gwaetha’r penderfyniad ym mis Mawrth eleni lle wnaeth y Cabinet bleidleisio o blaid cynllun i gau’r ffrwd Gymraeg yn yr ysgol a chanoli’r ddarpariaeth yn Llanfair ym Muallt.

“Mae hwn yn Gabinet newydd ac rydym yn awyddus i gwrdd â’n cymunedau ni’n gyson i glywed eu barn,” meddai’r Cynghorydd James Evans am y cyfarfod ddydd Mawrth diwethaf (Mehefin 13).

Mae disgwyl i Gynghorwyr drafod yr ymateb yn un o gyfarfodydd nesa’r Cabinet yr haf hwn.

‘Gwrando ar gymunedau’

“Fe’n hetholwyd gan drigolion i newid Powys, ac mae gwrando ar gymunedau’n rhan hanfodol o’r broses honno,” ychwanegodd James Evans.

“Rwy’n gobeithio y bydd y cyfarfod am yr ysgol a mynd i Siambr Fasnach Aberhonddu’n sicrhau ein cymunedau ein bod ni yma i wrando.”

Yn rhan o’r cyfarfod hefyd oedd Arweinydd y Cyngor Rosemarie Harris ynghyd â’r cynghorwyr Myfanwy Alexander, Liam Fitzpatrick a Martin Weale.

Ffrwd Gymraeg

Mae rhieni wedi codi pryderon am y penderfyniad i gau’r ffrwd Gymraeg yn Ysgol Uwchradd Aberhonddu gan rybuddio y gallai arwain at lai o bobol yn astudio drwy’r Gymraeg oherwydd y pellter i deithio i Lanfair ym Muallt sydd tua 16 milltir i ffwrdd.

Byddai hyn yn golygu mai ysgol cyfrwng Saesneg yn unig fyddai Aberhonddu ac, ar hyn o bryd, Powys yw un o’r ychydig siroedd yng Nghymru heb ysgol uwchradd benodedig cyfrwng Cymraeg.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.