RSS

Golwg360

MwyCau 

Toriadau Met Caerdydd yn rhan o gynllun “twf a rhagoriaeth”

Mai 24, 2017 12:33


Mae Prifysgol Metropolitan Caerdydd wedi ymateb i bryder y gallai cant o swyddi fod yn y fantol, trwy nodi mai bwriad eu “cynllun uchelgeisiol” fydd i gyfrannu at eu “twf a’u rhagoriaeth”.

Mae’r brifysgol yn dweud eu bod “yn siarad â’r staff oll er mwyn datblygu a galluogi ail-strwythuro gwirfoddol” ac yn nodi eu bod eisoes wedi “lleihau costau’r uwch rheolwyr yn sylweddol.”

“Fel prifysgolion Prydeinig eraill, mae Metropolitan Caerdydd yn cydnabod ei fod yn wynebu cystadleuaeth am fyfyrwyr o ganlyniad i gwymp demograffig ymysg pobol 18 blwydd oed a pharhad yr ansicrwydd sydd wedi dod yn sgil penderfyniad y Deyrnas Unedig i adael yr Undeb Ewropeaidd,” meddai llefarydd wrth golwg360.

“Cyfrifoldeb Met Caerdydd” meddai’r Llywodraeth

Mae Llywodraeth Cymru wedi ymateb gan ddweud eu bod yn ymwybodol o’r cynlluniau ond am nodi nid problem unigryw i Gymru yw’r un sydd yn wynebu prifysgolion Cymreig yn bresennol.

“Rydym yn deall y bydd yna gyfnod o ymgynghoriad, ac yn disgwyl y bydd staff ac undebau yn cael ei diweddaru yn ystod pob cam o’r broses,” meddai llefarydd ar ran Llywodraeth Cymru.

“Met Caerdydd eu hunain sydd yn gyfrifol am staffio.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.