RSS

Golwg360

MwyCau 

Ymgyrch myfyrwyr Aber dros siopa’n lleol

Ebrill 27, 2017 15:14 Diweddarwyd am 15:18


Rhun Dafydd, Llywydd UMCA
Mae myfyrwyr Prifysgol Aberystwyth wedi dechrau ymgyrch i geisio annog pobol i siopa’n lleol.

Yn ôl Undeb Myfyrwyr Cymraeg Aberystwyth [UMCA], gall siopa’n lleol fod yn rhatach, yn well i’r amgylchedd ac yn “egwyddorol gywir” drwy helpu’r gymuned.

Drwy gydol mis Mai, bydd UMCA ac Undeb y Myfyrwyr Aberystwyth yn annog myfyrwyr i siopa gyda busnesau lleol ac yn cydweithio gyda busnesau’r dref.

Bydd yr undebau hefyd yn rhannu ryseitiau rhad â myfyrwyr a fydd yn eu hannog i brynu bwyd yn lleol.

Pwysig cadw Aber yn “unigryw”

“Pwrpas yr ymgyrch yw ceisio cael mwy o fyfyrwyr i siopa yn y dref,” meddai Rhun Dafydd, Llywydd UMCA.

“Dwi’n credu ei bod yn bwysig i’r Brifysgol gefnogi’r dref oherwydd bod y naill a’r llall yn hanfodol i ffyniant ei gilydd ac un o’r agweddau sy’n gwneud Aberystwyth mor unigryw yw’r amrywiaeth o siopau lleol sydd yn y dref.

“Mewn byd sy’n mynd yn fwyfwy cyfalafol, mae’n holl bwysig edrych ar ôl eich ardal leol. Ceir sawl sail pam ddylai myfyrwyr gefnogi’r ymgyrch, o fuddion amgylcheddol i’r ochr egwyddorol.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.