RSS

Golwg360

MwyCau 

Merched Glantaf yn dechrau deiseb yn erbyn Gweddi’r Arglwydd

Ebrill 20, 2017 11:55 Diweddarwyd am 16:18


Lily McAllister-Sutton a Rhiannon Shipton (Llun: golwg360)
Mae dwy ferch ysgol yn bwriadu dechrau deiseb yn galw ar ddod â’r arfer o gydadrodd Gweddi’r Arglwydd mewn gwasanaethau ysgol i ben.

Yn ôl Rhiannon Shipton a Lily McAllister-Sutton, sy’n mynd i Ysgol Gyfun Gymraeg Glantaf yng Nghaerdydd, mae angen rhoi stop ar y traddodiad gan nad yw’n berthnasol i ddisgyblion sydd ddim yn grefyddol neu sydd ddim yn dilyn Cristnogaeth.

“Mae’r athrawon yn yr ysgol yn gwneud i ni wneud Gweddi’r Arglwydd ac mae lot o bobol wedi bod yn cwyno am hwn achos maen nhw’n dweud bod rhaid i ni wneud e,” meddai Lily McAllister-Sutton wrth golwg360.

“Dydyn ni ddim yn meddwl bod e’n deg achos mae llawer o bobol yn Fwslemiaid ac yn Anffyddwyr a chrefyddau eraill.

“Roeddwn ni wedi gofyn i’r athrawon pam bod rhaid i ni wneud Gweddi’r Arglwydd a dywedon nhw am fod ni’n ysgol Gristnogol ond doeddwn i ddim yn gwybod hwnna a sai’n meddwl bod pawb yn glir ar be’ ydy’r rheolau.”

Eisiau ‘Munud i Feddwl’ yn lle

Mae’r ddwy ferch 15 oed yn cyfri ei hunain yn Anffyddwyr ac am weld disgyblion mewn gwasanaethau ysgol yn cael ‘Munud i Feddwl’ yn hytrach nag adrodd Gweddi’r Arglwydd.

Yn ôl y ddwy, byddai hyn yn rhoi cyfle i ddisgyblion feddwl am neges y gwasanaeth.

Roedd y ddwy yn y Cynulliad ym Mae Caerdydd i drafod â chlerc y Pwyllgor Deisebau i sicrhau bod geiriad eu deiseb yn addas ar gyfer ei chyflwyno i Aelodau Cynulliad.

Traddodiad ‘diflas’

Mae’r arferiad o adrodd Gweddi’r Arglwydd yn hen-ffasiwn ac yn ddiflas erbyn hyn, meddai Rhiannon Shipton.

“Fi’n cofio unwaith, roedd rhaid i ni wneud Gweddi’r Arglwydd, roedden nhw wedi gwneud i bawb wneud e ar ôl tri, ond doedd neb wedi gwneud e. Roedd pawb yn dawel,” meddai.

“Dyw’r bobol sydd ddim yn credu mewn Duw ddim yn dweud e, ac mae pobol sydd yn credu mewn Duw ddim yn meddwl bod pwynt dweud e nawr am ei fod e’n tedious.

“Dw i’n cofio unwaith, roedd disgybl wedi gofyn i athrawes pam ein bod ni’n gwneud Gweddi’r Arglwydd, ac roedd hi wedi dweud bod e’n draddodiad.

“Ond mae llawer o bethau wedi bod yn draddodiad fel caethwasiaeth ac mae hwnna erbyn hyn yn erbyn y gyfraith.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.