RSS

Golwg360

MwyCau 

Marwolaeth ysgol Maesteg – “damweiniol”

Chwefror 16, 2017 13:55


Ashley Talbot (llun o dudalen Facebook)
Damwain oedd marwolaeth bachgen ysgol a gafodd ei ladd gan fws mini y tu allan i’w ysgol, yn ôl dyfarniad rheithgor mewn cwest.

Ond mae’r Crwner am sgrifennu adroddiad i dynnu sylw at ei bryderon am yr amgylchiadau y tu allan i Ysgol Gyfun Maesteg pan gafodd Ashley Talbot, 15 oed, ei ladd ym mis Rhagfyr 2014.

Roedd y bachgen yn rhedeg gyda’i ffrind wrth geisio bod y cyntaf i fod ar ei fws am adref pan gafodd ei daro gan y bws mini a oedd yn cael ei yrru gan athro ymarfer corff.

“Gofyn am ddamwain”

Fe gymerodd dair awr o bwyso a mesur cyn i fwyafrif y rheithgor yn Llys y Crwner Aberdâr ei bod yn farwolaeth ddamweiniol.

Dywedodd Andrew Barkley, y crwner dros Bowys, Pen-y-bont ar Ogwr a Bro Morgannwg, y bydd yn ysgrifennu adroddiad Atal Marwolaethau yn y Dyfodol am y digwyddiadau.

Roedd y rheithgor gan yrrwr bws fod y ffordd ger Ysgol Maesteg yn “gofyn am ddamwain” oherwydd yr anhrefn yno.

Yr ysgol wedi gweithredu

Dywedodd y crwner y byddai’n cyfeirio’r adroddiad at yr ysgol a’r cyngor sir, ac yn anfon copïau at y Gymdeithas Lywodraeth Leol a Llywodraeth Cymru.

Mae’r ysgol wedi cyflwyno polisïau newydd ers marwolaeth y llanc, sy’n cynnwys ehangu mannau parcio’r bysiau fel eu bod yn gallu parcio ar un ochr y ffordd.

Ac fe glywodd y cwest fod gwaharddiad ar geir wedi’I gyflwyno bellach rhwng 2:55 a 3:10 y prynhawn.

Mam Ashley â chanser y fron

Mewn datganiad, galwodd teulu’r bachgen am well diogelwch ffyrdd ger ysgolion, gan ychwanegu na ddylai unrhyw blentyn farw fel y gwnaeth Ashley.#

Fe ddaeth yn amlwg nad oedd mam Ashley Talbot wedi gallu bod yn y cwest yr wythnos hon am ei bod wedi cael diagnosis o ganser y fron.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.