Trafod dyfodol Campws Dysgu’r Bala

Diweddarwyd am  


Cyngor Gwynedd
Mae Cabinet Cyngor Gwynedd yn cyfarfod heddiw i drafod dyfodol Campws Dysgu’r Bala fyddai’n uno tair ysgol ar gampws Ysgol y Berwyn o dan yr Eglwys yng Nghymru.

Mae adroddiad wedi’i gyflwyno i’r Cabinet yn argymell “tynnu’r cynnig yn ôl” o sefydlu’r campws dysgu ar gyfer disgyblion 3-19 er mwyn cynnal ymgynghoriad pellach.

Mae’r adroddiad yn argymell oedi’r penderfyniad er mwyn rhoi amser i ystyried y farn gyfreithiol ynglŷn â safiad diweddaraf yr Esgobaeth, yn ogystal â rhoi cyfle i swyddogion drafod y mater yn lleol gyda Llywodraethwyr y dalgylch.

‘Cymunedol’

Mae ymgyrch wedi bod yn lleol hefyd i sefydlu’r ysgol fel un gymunedol yn hytrach nag eglwysig gyda 364 wedi arwyddo deiseb.

Mae’r ddeiseb yn galw; “yn dilyn yr anghydfod diweddar rhwng Cyngor Gwynedd ac Esgobaeth Llanelwy ynglŷn â rhai agweddau cyfreithiol ar ffurf y trefniant i greu ysgol gydol oes Eglwysig yn Y Bala… Galwn ar Gyngor Gwynedd i ddiddymu’r Bartneriaeth gyda’r Eglwys yng Nghymru ac i ail-hyrwyddo’r prosiect fel un ‘cymunedol’, lle na fydd gan yr ysgol newydd unrhyw gysylltiad statudol gydag enwad crefyddol penodol.”

Mae’r prosiect yn golygu uno Ysgol Bro Tegid, Ysgol Beuno Sant ac Ysgol y Berwyn ac mae’r gwaith ar y safle wedi dechrau ym mis Gorffennaf 2016 gyda’r bwriad gwreiddiol o agor y campws newydd ym mis Medi 2018.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd