Corbyn yn addo system addysg “o’r crud i’r bedd”

 


Mae arweinydd y Blaid Lafur, Jeremy Corbyn wedi addo sefydlu system addysg “o’r crud i’r bedd” pe bai’n dod yn Brif Weinidog Prydain.

Mae ei weledigaeth yn seiliedig ar Wasanaeth Iechyd Aneurin Bevan.

Bydd angen i gynhadledd y Blaid Lafur dderbyn y cynnig cyn y gallai ddod yn bolisi swyddogol y blaid.

Fel rhan o’r cynllun, byddai ffioedd dysgu mewn prifysgolion yn cael eu diddymu, a byddai oedolion yn gallu neilltuo nifer sefydlog o oriau bob wythnos ar gyfer addysg neu hyfforddiant.

Mae e eisoes wedi addo buddsoddi £500 biliwn mewn is-adeiledd a diwydiannau technegol dros gyfnod o ddeng mlynedd, ac mae’n honni y gallai ei gynllun roi hwb o £96 biliwn i economi Prydain bob blwyddyn.

Dywedodd Corbyn: “Bydd y Gwasanaeth Addysg Cenedlaethol yn rhoi addysg dda wrth galon ein cymdeithas – gan agor cyfleoedd i bawb.”

Yn yr Observer, cyfaddefodd Corbyn fod y cynllun yn ddrud, ond fe ddywedodd y byddai’n cael ei ariannu drwy addasu lefelau trethi corfforaethol, cadw lefelau trethi fel arall yn gyson, a mynd ar ôl unigolion sy’n osgoi talu trethi neu sy’n defnyddio dulliau o arallgyfeirio trethi.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd