RSS

Golwg360

MwyCau 

TGAU: Canlyniadau gwell i ferched am eu bod yn “well ar waith cwrs”

Awst 20, 2015 13:06

Mae merched yn gwneud yn well na bechgyn yn harholiadau
TGAU am nad ydyn nhw mor debygol o adael eu gwaith cwrs tan y funud olaf, yn ôl pennaeth un undeb athrawon.

Yn ôl y canlyniadau gafodd eu cyhoeddi heddiw ar draws Prydain fe gafodd 73.1% o ferched radd C neu uwch o’i gymharu â 64.7% o fechgyn.

Mae’n golygu bod bwlch o 8.4 pwynt canran rhwng cyrhaeddiad merched a bechgyn yn y graddau A*-C, ond dyma’r tro cyntaf ers 2010 i’r bwlch hwnnw leihau.

Fodd bynnag mae ysgrifennydd cyffredinol Cymdeithas Arweinwyr Ysgolion a Cholegau (ASCL), Brian Lightman, wedi dweud bod angen i ysgolion edrych eto ar sut i annog a gwella perfformiad bechgyn.

Gwaith cwrs

Mae ymchwil eisoes yn awgrymu bod merched yn gyffredinol yn gwneud yn well mewn asesiadau rheoledig a gwaith cwrs tra bod bechgyn yn tueddu i berfformio’n well mewn arholiadau.

Yn ôl Brian Lightman, mae tanberfformiad bechgyn yn digwydd oherwydd eu bod nhw’n “tueddu i wneud pethau ar y munud olaf” ac mae angen i’r ysgol fod yn “cadw’r pwysau arnyn nhw” i gwblhau gwaith.

“Maen nhw [athrawon] wedi defnyddio strategaethau – mae lot o ymchwil wedi cael ei wneud i strategaethau effeithiol ar gyfer annog bechgyn a helpu nhw i gyflawni’n well,” meddai.

“Yr elfen arall o bethau yw’r gwaith cwrs achos roedd merched yn gwneud yn well ar y gwaith cwrs.

“Roedd gwaith cwrs yn siwtio’r ffordd mae merched yn gweithio yn llawer gwell, fe fyddan nhw’n treulio mwy o amser gartref yn gweithio ar waith cwrs na bechgyn, sydd yn tueddu i ruthro pethau mwy – mae’r rhain yn sylwadau cyffredinol iawn.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.