Astudiaeth: Disgyblion yn dechrau’r ysgol am 10

 


Fe fydd miloedd o ddisgyblion 14-16 oed yn cael awr ychwanegol yn y gwely, fel rhan o astudiaeth i geisio darganfod os yw mwy o gwsg yn gwella canlyniadau arholiad.

Prifysgol Rhydychen sy’n arwain yr astudiaeth ac mi fydd tua 31,800 o blant blwyddyn 10 ac 11 o dros gant o ysgolion yn dechrau’r ysgol am 10 yn hytrach na naw o’r gloch.

Yn ystod yr astudiaeth dwy flynedd o hyd, bydd disgyblion hefyd yn cael eu dysgu am y buddion o gael noson dda o gwsg, ac yna fe fydd eu canlyniadau TGAU yn cael eu cymharu gyda disgyblion sydd ddim yn rhan o’r prosiect.

Bydd gofyn i ddisgyblion gadw dyddiadur o’u patrymau cysgu ac fe fydd rhai yn gwisgo dyfeisiadau i fonitro eu cwsg.

Mae’n un o chwe phrosiect sy’n ceisio darganfod sut i wella addysg ym Mhrydain.

Datblygiadau corfforol

“Rydym yn gwybod bod rhywbeth rhyfedd yn digwydd pan rydych yn eich arddegau – fel eich bod allan o gyswllt gyda gweddill y byd,” meddai’r Athro Colin Espie o Brifysgol Rhydychen.

“Mae rhieni yn meddwl bod hyn oherwydd eich bod yn ddiog. Ond mae gwyddoniaeth yn dweud wrthym ni fod y corff yn datblygu yn ystod yr arddegau, sy’n golygu nad ydyn nhw wedi blino ar yr adegau arferol mae oedolion yn mynd i’w gwlâu a’u bod nhw dal yn gysglyd yn y boreau.”

“Rydym am ymchwilio i weld os yw gohirio gwersi o 9 tan 10 o’r gloch dros y flwyddyn am wella dysgu, perfformiad, presenoldeb a chanlyniadau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd