RSS

Golwg360

MwyCau 

Abertawe yn anrhydeddu Cerys

Gorffennaf 19, 2014 10:46 Diweddarwyd am 11:11



Mae Prifysgol Abertawe wedi cyflwyno Gradd er Anrhydedd i Cerys Matthews, cyn-brif gantores y band roc Catatonia. Cyflwynwyd y radd iddi brynhawn ddoe yn ystod seremoni raddio’r Coleg Gwyddoniaeth. Wrth dderbyn ei dyfarniad gan Brifysgol Abertawe dywedodd Cerys: “Mae’n fraint derbyn y dyfarniad hwn gan Brifysgol Abertawe.  Mae’n sicr yn bleser i mi ar lefel bersonol. “Mae’r gydnabyddiaeth hon yn arbennig o foddhaus am i mi dyfu’n agosach fyth dros yr ychydig flynyddoedd diwethaf wrth ddathlu etifeddiaeth dyn ifanc a rannodd yr un olygfa, Dylan Thomas. “Rwy’n dwlu ar ddychwelyd i Abertawe… a theimlaf, er treigl amser a’r heriau economaidd, fod y ddinas wedi cadw’i chariad at ddiwylliant, ei hiwmor a’i henaid. “Ac o ran y pêl-droed, wel, efallai nad “standing on the North Bank, until the day I die” yw’r gân yn y Stadiwm Liberty mwyach, ond mae yno yn fy nghalon o hyd. “Derbyniaf y dyfarniad hwn, gan gydnabod fy niolch i’r rebeliaid, yr academyddion, y casglwyr, y bobl frwdfrydig a’r athrawon hynny sydd wedi annog fy chwilfrydedd, ac sy’n parhau i annog pobl eraill. “Bydd gen i a Phrifysgol Abertawe ein siwrnai dysgu ein hunain, ac mae’r dyfarniad hwn yn cadarnhau pwysigrwydd y bartneriaeth honno.  Edrychaf ymlaen at weithio ar Wobr Dylan Thomas eleni, ym mlwyddyn ei ganmlwyddiant,  ac ar brosiectau yn y dyfodol yn ein harwain at ddathliadau canmlwyddiant Prifysgol Abertawe ei hun yn 2020.” Fe gafodd ei hanrhydeddu ag MBE yn gynharach eleni.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.