Rhaglen Taro’r Post – gyda Garry Owen – yn dod i ben

Diweddarwyd am  
Tîm cyflwyno Dros Ginio

Cyflwynwyr Dros Ginio: Catrin Haf Jones, Vaughan Roderick, Jennifer Jones a Dewi Llwyd

Llun: BBC Cymru

Bydd y rhaglen radio Taro’r Post yn dod i ben, wrth i raglen newyddion a materion cyfoes newydd gymryd ei lle. 

Bydd Dros Ginio, a fydd yn cael ei darlledu rhwng 12 a 2yp o ddydd Llun i ddydd Gwener, yn dechrau fis Tachwedd, a bydd yn “gymysgedd o newyddion ac adloniant”, yn ôl BBC Radio Cymru.

Y cyflwynwyr fydd Dewi Llwyd ar ddyddiau Llun a Gwener; Jennifer Jones ar ddydd Mawrth; Vaughan Roderick ar ddydd Mercher; a Catrin Haf Jones ar ddydd Iau.

Bydd Dewi Llwyd yn rhoi’r gorau i gyflwyno’r Post Prynhawn wedi saith mlynedd. Dywedodd llefarydd ar ran y BBC y bydd Post Prynhawn yn aros a bydd enw cyflwynydd newydd i gymeryd lle Dewi yn cael ei gyhoeddi cyn bo hir

“Os bu angen erioed am raglen i graffu ar ddigwyddiadau’r byd o’n cwmpas, a hynny drwy lygaid y Cymry, dyma’r amser,” meddai Rhuanedd Richards, Golygydd BBC Radio Cymru.

“Felly, rydym yn cyflwyno sgwrs i’r genedl dros ginio i drafod a mynd o dan groen stori fawr y dydd, yn ogystal â rhoi gofod i lais y gynulleidfa drwy wthio am ymatebion clir i’r cwestiynau caled i’n helpu i wneud synnwyr o’r byd o’n cwmpas.”

Beth am Garry Owen?

Bydd Taro’r Post yn dod i ben yn sgil y newid i’r amserlen, yn ogystal â rhai o’r rhaglenni hanner awr a ddarlledir yn ystod amser cinio.

Diolchodd Rhuanedd Richards i Garry Owen a â thîm cynhyrchu Taro’r Post am eu gwaith ar hyd y blynyddoedd.

“Bydd Garry yn parhau i fod yn aelod allweddol o wasanaeth newyddion yr orsaf a byddwn yn parhau i glywed ei lais,” meddai.

Bydd Benbaladr a Stiwdio yn cael eu darlledu fin nos yn ystod yr wythnos yn hytrach nag yn ystod y dydd, yn ogystal ag ail-ddarllediad Talwrn y Beirdd.

Ychwanegodd Rhuanedd Richards: “Hoffwn ddiolch hefyd i gyflwynwyr a thimau rhaglenni eraill yr orsaf dros amser cinio.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones