Falyri Jenkins yn derbyn Medal Goffa Syr TH Parry-Williams

Diweddarwyd am  

Fe fydd Falyri Jenkins, o Dal-y-bont yng Ngheredigion, yn camu ar lwyfan y pafiliwn heddiw (dydd Llun, Awst 5) i dderbyn Medal Goffa Syr TH Parry-Williams.

Mae’r fedal yn cael ei chyflwyno i unigolyn sydd wedi gwneud cyfraniad mawr yn eu hardal leol, ac yn arbennig gyda phobol ifanc.

O Sling ger Bethesda, Gwynedd, daw Falyri Jenkins yn wreiddiol. Fe raddiodd hi yng Ngholeg Normal, Bangor, cyn mentro i fyd addysg bellach yn Wrecsam.

Ers symud i Aberystwyth yn 1974 mae hi wedi bod yn cyfrannu’n fawr yn yr ardal, cyn ymgartrefu yn Nhal-y-bont yn 1978.

Yn ôl ei chydweithwyr mae hi’n athrawes o’r radd flaenaf, ac mae Estyn wedi’i disgrifio hi fel “chwip o athrawes.”

Mae hi wedi cynhyrchu nifer o lyfrau cerddoriaeth i blant o bob cwr o Gymru fel Caneuon Bys a Bawd a Clap a Chan i Dduw – casgliad o emynau modern ar gyfer ysgolion ac ysgolion Sul.

Ond yn ei hardal leol ac ym myd addysg mae Falyri Jenkins wedi gwneud yr argraff fwyaf. Bu’n gwneud llawer iawn o waith gwirfoddol ar lawr gwlad yng Ngheredigion yn cefnogi gwaith ieuenctid Ysgol Sul Bethel, gyda’r Cylch Meithrin, a gyda’r Clwb Ieuenctid Cristnogol.

Ar ben hynny bu’n gweithio fel golygydd i’r papur bro leol, Papur Pawb, yn Nhal-y-bont, gyda’i gwr, ac yno fel gohebydd y pentref am dros ddeng mlynedd. Mae hi dal i gyd-olygu rhifyn misol ac yn gwneud yn siŵr bod rhan ohono wedi’i neilltuo i weithgareddau plant.

Eisteddfodau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones