Eisteddfod Llanrwst yn chwilio am ddrysau pren

Diweddarwyd am  

Drws Capel Gwydyr Uchaf, Llanrwst. Llun: Trish Steel/WikiCommons

Mae’r Eisteddfod Genedlaethol yn galw am gymorth y cyhoedd i wireddu prosiect artistig uchelgeisiol drwy gynnig hen ddrysau pren iddyn nhw eu casglu. 

Yr artist Marc Rees, sy’n gyfrifol am brosiect AGORA, sy’n ceisio hel 100 o ddrysau pren o bob lliw er mwyn gwireddu cynllun fyddai’n dathlu hanes tref Llanrwst, cartref yr Eisteddfod Genedlaethol eleni. 

“Bydd y drysau yn cael eu defnyddio nid yn unig fel darn o waith celf gyhoeddus, ond hefyd er mwyn creu adeilad dros dro i gynnal pob math o weithgareddau a digwyddiadau yn ystod wythnos yr Eisteddfod,” meddai Marc Rees. 

Dathlu hanes Llanrwst

Ei fwriad yw dathlu un o’r pethau fwyaf rhyfeddol yn hanes Llanrwst drwy gelf weledol.

“Yn 1947, cysylltodd Cyngor y Dref â’r Cenhedloedd Unedig i hawlio’u lle ar y Cyngor Diogelwch, gan ddatgan bod Llanrwst yn dalaith annibynnol o fewn Cymru.  Fe fethodd y cais,” meddai Marc Rees. 

“Ond mae’n ddarn mor bwysig o hanes y dref, ac rydyn ni eisiau anrhydeddu a chofio hyn drwy greu senedd dros dro ar y Maes – Pafiliwn y Bobol.  “

“Rydyn ni’n gweithio gyda’r penseiri Jenny Hall a Tabitha Pope ar y prosiect, ac yn awyddus iawn i AGORA fod yn un o’r prif leoliadau ar y Maes eleni.”

Mae Marc Rees yn cael ei adnabod fel artist sy’n plethu celf, llefydd, a chymuned a hynny mewn ffyrdd anghyffredin yn aml. 

Os oes gennych chi ddrws i’w gynnig i’r prosiect, dylid cysylltu’r e-bost iwan@ffiwsar.com <mailto:iwan@ffiwsar.com>

Dyma’i apêl i’r cyhoedd – <<https://vimeo.com/342121027/d00590f2c7>>

 

Celfyddydau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones