Disgwyl 1,500 o gystadleuwyr yng Ngwyl Cerdd Dant y Blaenau

Diweddarwyd am  

Llun: CC0

Mae Trefnydd yr Ŵyl Gerdd Dant yn dweud y bydd yn rhaid “addasu, arbrofi ac amrywio” os am gadw diddordeb y to ifanc yn yr hen draddodiadau Cymraeg.

Bydd yr ŵyl yn cael ei chynnal ym Mlaenau Ffestiniog – y tro cyntaf i ŵyl genedlaethol ddod i dre’r llechi ers Eisteddfod Genedlaethol yr Urdd yn 1936.

Yn ôl y trefnydd, er bod yr ŵyl wedi denu cryn frwdfrydedd eleni – gyda disgwyl i 1,500 gystadlu mewn 35 o gystadlaethau yfory – bydd rhaid ystyried cyflwyno dulliau newydd yn y dyfodol agos.

“Mae’r ŵyl yn cadw at ei thraddodiadau eleni, ond ella bod angen edrych ar weithgareddau ar gyfer y dyfodol, lle rydan ni’n addasu, yn amrywio ac yn arbrofi ychydig bach mwy,” meddai John Eifion wrth golwg360.

“Mae’n rhaid i ni ystyried pob mathau o bethau er mwyn cadw’r diddordeb ac i gadw fo’n gyfoes, ac i gynnal y diddordeb.”

Un o’r syniadau yr hoffai John Eifion eu gweld yn cael eu hystyried yw gweithgaredd tebyg i’r Stomp Cerdd Dant yn Nhŷ Gwerin yr Eisteddfod Genedlaethol, a fyddai yn dod ag ychydig o “adloniant”, meddai.

Gŵyl undydd

Bydd Gŵyl Gerdd Dant Blaenau Ffestiniog a’r Fro yn cael ei chynnal yn Neuadd Ysgol y Moelwyn, a bydd y rhagbrofion cyntaf yn cychwyn am wyth y bore.

Mae’r cystadlaethau’n amrywio o ganu cerdd dant i lefaru i ganu alaw werin a dawnsio gwerin, ac mae disgwyl i gystadlu brwd y dydd barhau tan hanner nos.

“Mae’n braf gweld gŵyl genedlaethol fel yr Ŵyl Gerdd Dant yn dod i Flaenau, ac mae pobol Blaenau wedi perchnogi’r ŵyl,” meddai John Eifion ymhellach.

“Mae hi’n un o’r gwyliau undydd cystadleuol mwyaf sydd gynnon ni fel cenedl.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed