Dad-ddofi cefn gwlad canolbarth Cymru “yn hollol wallgof”

Diweddarwyd  
Ffermio

Fferm

Llun: www.shutterstock.com

Mae un o brif swyddogion NFU Cymru yn dweud bod y bwriad i ddad-ddofi rhan helaeth o gefn gwlad canolbarth Cymru yn syniad “hollol wallgof”.

Bydd rhannau o ogledd Ceredigion a Dyffryn Dyfi ym Mhowys yn rhan o’r prosiect ‘O’r Mynydd i’r Môr’, sy’n cael ei arwain gan yr elusen Rewilding Britain.

Fe adroddodd y wefan hon yr wythnos ddiwetha’ am yr elusen sy’n bwriadu defnyddio rhannau o Bowys a Cheredigion fel “ardal arbrofi”, ond mae lle i gredu mai nod yr elusen yw ailgyflwyno anifeiliaid cynhenid i fyd natur.

Yn ôl Wyn Evans, cadeirydd Bwrdd Da Byw NFU Cymru sy’n ffermio yng Ngheredigion, mae gan ffermwyr lleol “dipyn o bryder” ynglŷn â’r prosiect, sydd wedi derbyn cyllid gwerth £3.4m yn ddiweddar.

‘Rewilding’

“Mae pryderon gyda fi ambwyti’r agenda y tu ôl i’r cynllun, a pha mor bell y maen nhw’n meddwl mynd ati i ddefnyddio’r term ‘Rewilding’,” meddai Wyn Evans wrth golwg360.

“A ydyn ni’n mynd i weld anifeiliaid eithafol yn dod i mewn i’r cymunedau yma? A gweld rhan fawr o dir amaethyddol yn cael ei wneud yn ddiffeithwch?

“A pha effaith mae hyn yn mynd i gael ar y bobol sy’n byw yn yr ardal a’r bobol sy’n ffermio yn yr ardal

‘Stepen yn rhy bell’

Mae’r prosiect yn bartneriaeth rhwng Rewilding Britain a nifer o sefydliadau cadwriaethol, a bydd yr ardal arbrofi yn cynnwys 10,000 hectar o dir a 28,400 hectar o fôr.

Ond mae Wyn Evans yn credu bod y prosiect yn mynd “bach yn rhy bell”, ac mae’n ychwanegu mai’r brif flaenoriaeth a ddylai fod ar gyfer cefn gwlad yw “cynhyrchu bwyd a chynnal teuluoedd”.

“Dw i’n gobeithio y bydd y bobol a fydd ynghlwm â’r prosiect yn dod yn ôl i gysylltu â ni, a dweud beth yw eu cynlluniau nhw er mwyn i ni drafod y cynlluniau gyda nhw,” meddai ymhellach.

“Wedyn, os nad ydyn ni’n hapus, bydd yr hawl gyda ni i ddangos ein gwrthwynebiad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed