Protest yn erbyn cludo mwd o safle atomfa newydd

Diweddarwyd  

Cefnogwyr Yes Cymru y tu allan i’r Senedd, dydd Llun 27 Awst 2018

Llun o gyfrif trydar Dylan Wyn Williams

Mae rhai cannoedd o gefnogwyr Yes Cymru wedi bod yn protestio’r tu allan i’r Senedd yng Nghaerdydd heddiw.

Roedden nhw yno i ddangos eu gwrthwynebiad i gynlluniau i gludo mwd o safle atomfa Hinckley i arfordir de Cymru.

Ymysg y siaradwyr yn y rali roedd yr Aelod Cynulliad annibynnol lleol, Neil McEvoy, a’r Aelod Seneddol Ewropeaidd Jill Evans.

Pryder y protestwyr yw y gall y mwd fod yn ymbelydrol, ac nad yw datblygwyr yr atomfa newydd, EDF, wedi ei brofi’n ddigon trylwyr i sicrhau ei ddiogelwch.

Mae Neil McEvoy wedi bod yn cyhuddo Llywodraeth Cymru a’r gwrthbleidiau yn y senedd o esgeulustod wrth beidio â gwrthwynebu’r cynlluniau.

“Does dim byd yn dangos yn gliriach bod gennym lywodraeth ym Mae Caerdydd sy’n gweithredu’n groes i’n buddiannau cenedlaethol,” meddai.

Mae Yes Cymru hefyd wedi mynegi siom ar ôl y rali mai Adam Price oedd yn unig Aelod Cynulliad arall yno. “Ble’r oedd y 58 arall?” oedd sylw eu llefarydd.

Dywedodd Adam Price ei fod yn hapus o gefnogi’r rali:

“Nid rhyw fath o ‘dumping ground’ yw Cymru,” meddai. “Yn ein dwylo ni’n hunain, dylai ein dyfodol fod yn ddisglair ac yn gynaliadwy.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed