‘Lle i ddiolch am gyfraniad enfawr Carwyn Jones’

Diweddarwyd  
Llun pen ac ysgwydd o Brif Weinidog Cymru

Carwyn Jones

Llun: Cynulliad Cenedlaethol Cymru CC 2.0

Mae gan Gymru le i ddiolch i Carwyn Jones am ei gyfraniad enfawr fel Prif Weinidog, yn ôl cyn-arweinydd Plaid Cymru a wasanaethodd fel dirprwy iddo mewn clymblaid rhwng 2009 a 2011.

“Roedd hi’n fraint cael cydweithio efo fo yn Llywodraeth Cymru’n Un, a dw i’n falch o’r hyn a gafodd ei gyflawni bryd hynny,” meddai Ieuan Wyn Jones.

Dywedodd fod Carwyn Jones wedi chwarae rhan gwbl allweddol mewn sicrhau pwerau deddfu i’r Cynulliad yn ystod ei gyfnod fel Prif Weinidog.

“Mi wnaeth o fynnu cadw at amserlen y cytundeb i gynnal refferendwm ar hawliau deddfu, a hynny er gwaethaf rhai a oedd yn trio gosod rhwystrau yn ei ffordd,” meddai Ieuan Wyn Jones.

“A thrwy chwarae rhan arweiniol yn ymgyrch y refferendwm ei hun, mi wnaeth o helpu sicrhau’r fuddugoliaeth glir a gawsom.”

‘Cyfnod sylweddol’

Er ei fod yn cyfaddef bod amseriad ei gyhoeddiad ddoe yn syndod iddo, dywedodd nad yw ei benderfyniad yn gwbl annisgwyl.

“Rhaid cofio bod naw mlynedd yn gyfnod sylweddol fel Prif Weinidog, sy’n swydd â chymaint o bwysau ynghlwm â hi,” meddai.

“Mae’r ffaith iddo allu ddal ati cyhyd yn dangos y parch oedd gan bobl iddo.

“Yn sicr, o’m profiad i, roedd o’n rhywun hawdd iawn cydweithio ag o bob amser, ac o’r herwydd mae gen i barch iddo fel person yn ogystal ac fel gwleidydd.

“Mae’n gallu gadael ei swydd gan wybod ei fod wedi gwneud diwrnod da o waith dros Gymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?