Oxfam: ‘Mae yna afalau drwg ym mhob basged’

 
Llun o'r awyr yn dangos peth o'r dinist yn Haiti yn 2011

Tref yn Haiti wedi’r daeargryn yn 2011 pan oedd Oxfam yn rhan o’r ymdrechion

Llun: parth cyhoeddus

Mae un o wirfoddolwyr siop Oxfam Porthmadog wedi amddiffyn yr elusen yn sgil honiadau bod rhai o’i gweithwyr wedi ymweld â phuteiniaid wrth weithio yn Haiti yn 2011.

“Mae yna afalau drwg ym mhob basged, dyna un ffordd o esbonio’r sefyllfa,” meddai’r gwirfoddolwr sydd am aros yn ddienw, wrth golwg360.

“Mae hynna’n drueni, gan fod y rhan fwyaf o bobol, a’n bendant pawb dw i’n nabod fan hyn, yn onest ac ymroddedig. Y broblem yw, jest fel afal drwg mewn bocs, mae’n llygru’r cyfan.

“Dw i’n gobeithio y bydd pobol yn sylweddoli bod y mwyafrif helaeth o bobol sy’n gweithio i Oxfam, boed nhw’n wirfoddolwyr neu staff, yn onest a’n ymroddedig.”

Busnes

Mae’r gwirfoddolwyr yn dweud bod Oxfam wedi hysbysu’r siop am eu safbwynt, a bod hi’n “anodd dweud” os ydy’r helynt wedi cael effaith ar fusnes.

Mae ambell siop Oxfam yng Nghymru wedi dweud wrth golwg360 eu bod wedi derbyn cyfarwyddyd i beidio â siarad â’r wasg.

Yr helynt hyd yn hyn

  • Mae Dirprwy Prif Weithredwr yr elusen, Penny Lawrence, wedi ymddiswyddo.
  • Mae’r Comisiwn Elusennau wedi dechrau ymchwiliad i waith yr elusen.
  • Mae un o lysgenhadon Oxfam, yr actores Minnie Driver, wedi rhoi’r gorau iddi.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?