Dedfrydu Barry Bennell am droseddau rhyw yn erbyn plant

Diweddarwyd  
Adeiladau'r llysoedd a sgwar o'u blaenau

Adeiladau’r llysoedd yn Lerpwl

Llun: John Bradley CCA3.0

Mae disgwyl i’r cyn-hyfforddwr pêl-droed Barry Bennell gael ei ddedfrydu heddiw ar ôl i lys ei gael yn euog o 36 o droseddau rhyw hanesyddol yn erbyn plant.

Ond mae’r rheithgor yn dal i ystyried saith cyhuddiad arall ac mae’r barnwr wedi dweud ei fod yn fodlon derbyn dyfarniad mwyafrif ar y rheiny.

Ddoe fe gafwyd y dyn a fu’n hyfforddwr ar sêr ifanc fel cyn-reolwr Cymru, Gary Speed, yn euog o gyfres o droseddau yn ymwneud â chamdrin rhywiol yn erbyn 10 o fechgyn rhwng 1979 ac 1990.

Mae rhai i’r saith cyhuddiad arall yn ymwneud ag unfed plentyn ar ddeg.

Honiadau

Clywodd Llys y Goron Lerpwl fod Barry Bennell, sydd bellach yn cael ei adnabod wrth yr enw Richard Jones, wedi gwahodd bechgyn i’w gartref, lle bydden nhw’n chwarae pŵl a gemau cyfrifiadurol, ac yn edrych ar ei gasgliad o anifeiliaid ecsotig.

Yn ôl yr heddlu, roedd e wedi denu bechgyn i’w gartref a’u cam-drin, ond roedd yn honni eu bod nhw’n ceisio cyhoeddusrwydd drwy ei gyhuddo.

Roedd un o’r rhai a gafodd eu cam-drin ganddo wedi dweud yn ystod yr achos ei fod e’n gwybod am bedwar o fechgyn oedd wedi lladd eu hunain ar ôl cael eu cam-drin gan Bennell – a chyn-reolwr Cymru, Gary Speed yn un ohonyn nhw.

Fe fu Bennell dan glo dair gwaith o’r blaen am droseddau tebyg yn erbyn 17 o fechgyn.

Y tro hwn, fe blediodd yn euog i saith cyhuddiad o gam-drin tri o fechgyn yn anweddus.

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd