Prifysgol Bangor yn penodi Cadeirydd newydd

Diweddarwyd am  

Marian Wyn Jones

Llun: Prifysgol Bangor

Mae cyn-bennaeth y BBC ym Mangor wedi cael ei phenodi’n Gadeirydd newydd Cyngor Prifysgol Bangor.

Marian Wyn Jones yw’r ferch gyntaf i gadeirio’r Cyngor ers sefydlu’r brifysgol yn 1884, ac mae’n olynu Dafydd Elis-Thomas a roddodd y gorau i’r swydd y llynedd.

Yn ogystal â bod yn aelod o’r Cyngor, mae’r newyddiadurwraig adnabyddus wedi gwasanaethu fel cyfarwyddwr an-weithredol amryw o gyrff cyhoeddus, gan gynnwys Awdurdod Parc Cenedlaethol Eryri, Bwrdd Iechyd Prifysgol Betsi Cadwaladr a Chyngor Celfyddydau Cymru, lle mae’r Is-gadeirydd.

“Mae’n fraint ac yn anrhydedd cael fy mhenodi yn gadeirydd y Cyngor. Mae gan Brifysgol Bangor draddodiad balch o ragoriaeth mewn addysgu, ymchwil a phrofiad myfyrwyr,” meddai Marian Wyn Jones. “Mae’r brifysgol hefyd yn chwarae rhan allweddol ym mywyd dinesig a diwylliannol Cymru. Dwi’n edrych ymlaen at gael defnyddio fy mhrofiad wrth arwain y brifysgol ac wrth adeiladu ar y seiliau cadarn hyn.”

‘Dealltwriaeth gref’

Meddai Is-ganghellor Prifysgol Bangor, yr Athro John G Hughes:  “Mae Marian yn deall yr amgylchedd y mae’r brifysgol yn gweithio o’i fewn, ac mae ganddi ddealltwriaeth gref o’r iaith Gymraeg a’r diwylliant Cymreig.

“Mae ganddi ffordd fodern o ymdrin â llywodraethu a chefnogaeth frwd i lais y myfyrwyr, cydraddoldeb ac amrywiaeth, ac mae hynny’n golygu ei bod yn hynod addas i fod yn gadeirydd.”

Am y tro cyntaf erioed, cafodd y swydd ei hysbysebu yn genedlaethol, a chafodd yr ymgeiswyr a gyrhaeddodd y rhestr fer eu cyfweld gan y panel penodi, a oedd yn cynnwys aelodau a’r cyngor a chynrychiolydd ar ran y myfyrwyr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed