Hillary Clinton yn Abertawe yfory

Diweddarwyd am  


Hillary Clinton
Bydd Hillary Clinton yn trafod y syniad o gael Senedd i bobol ifanc Cymru pan fydd hi’n ymweld â Phrifysgol Abertawe yfory.

Mae cyn-Ysgrifennydd Gwladol yr Unol Daleithiau yn cael doethuriaeth er anrhydedd gan Brifysgol Abertawe ac yn cyflwyno darlith.

Hefyd fe fydd Ysgol y Gyfraith Prifysgol Abertawe yn cael ei hailenwi yn Ysgol y Gyfraith Hillary Rodham Clinton.

Hefyd fe fydd hi’n cyfarfod â Llywydd y Cynulliad, Elin Jones, ac mi fydd y ddau ffigwr yn trafod materion hawliau plant a chynlluniau i sefydlu ‘Senedd Ieuenctid Cymru’.

Mae Comisiwn y Cynulliad eisoes wedi cytuno i fwrw ymlaen â’r cynllun fydd yn caniatáu i bobol ifanc rhwng 11 ac 18 oed i ethol 60 Aelod Senedd Ieuenctid Cymru.

“Mae Cymru’n haeddiannol falch o’r hyn y mae wedi’i gyflawni i hyrwyddo’r agenda hawliau plant,” meddai Elin Jones.

“Ac rwy’n falch o allu rhannu gyda Hillary Clinton sut mae Cynulliad Cenedlaethol Cymru yn cyfrannu at hyn.”

Anrhydeddu

Yn ystod ei hymweliad bydd Hillary Clinton hefyd yn cael gradd doethur er anrhydedd gan Brifysgol Abertawe.

Yn ôl y brifysgol bydd yr anrhydedd yn  cael ei gyflwyno i’r gwleidydd am ei “hymrwymiad i hyrwyddo hawliau teuluoedd a phlant ledled y byd”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd