RSS

Golwg360

MwyCau 

Tŵr Grenfell: ymchwiliad cyhoeddus yn dechrau

Medi 14, 2017 12:13 Diweddarwyd am 12:14


Tŵr Grenfell yn Kensington, Llundain wedi'r tân (Llun: Dominic Lipinski/PA Wire)
Mae ymchwiliad cyhoeddus i drychineb tân Tŵr Grenfell – lle bu farw 80 o bobol ym mis Mehefin – wedi dechrau’n swyddogol.

Bydd yr ymchwiliad yn mynd i’r afael â’r hyn wnaeth achosi’r tân, rheoliadau fflatiau tŵr, ymateb yr awdurdod lleol a chladin y tŵr.

Cafodd munud o dawelwch ei gynnal yn ystod diwrnod cyntaf yr ymchwiliad er cof am yr unigolion bu farw, a bydd gorymdaith dawel yn cael ei gynnal yn hwyrach.

Yn ôl Cadeirydd yr ymchwiliad, Syr Martin Moore-Bick, “mae atebion yn medru ac yn mynd i gael eu darparu”, ond mae’n rhaid mynd i’r afael ag atebion mewn modd “digynnwrf a rhesymol.”

“Wyneb i waered”

“Dw i’n ymwybodol bod bywyd wedi troi’n wyneb i waered i bobol Gogledd Kensington dros y misoedd diwethaf,” meddai Martin Moore Bick.

“A dw i’n ymwybodol bod cyn-breswylwyr y tŵr a phobol leol yn teimlo dicter a’u bod wedi eu bradychu.

“Mae hynna’n hollol naturiol a dealladwy, ond os ydyn ni’n mynd i ddarganfod beth ddigwyddodd, rhaid chwilio am dystiolaeth mewn modd digynnwrf a rhesymol.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.