RSS

Golwg360

MwyCau 

Morlyn Abertawe – aros am adroddiad pwysig

Ionawr 12, 2017 10:36 Diweddarwyd am 11:40


Mae disgwyl eiddgar y bore yma am gasgliadau adolygiad annibynnol a allai rhoi cefnogaeth i adeiladu morlyn cynta’ o’i fath yn y byd ym Mae Abertawe.

Cyn cyhoeddi’r adroddiad, dywedodd Charles Hendry, cyn Gweinidog dros Ynni a Newid Hinsawdd Llywodraeth Prydain, y gallai morlynnoedd chwarae rôl bwysig yn sicrhau cyflenwadau ynni.

Fe sydd wedi arwain ar yr adroddiad, sydd wedi’i gomisiynu gan y Llywodraeth, i edrych ar botensial morlynnoedd i gynhyrchu ynni ar gyfer gwledydd Prydain.

Byddai adolygiad ffafriol yn rhoi hwb mawr i’r prosiect arloesol ym Mae Abertawe, ond byddai dal angen sêl bendith y Llywodraeth cyn bwrw ymlaen â’r cynlluniau.

Pwy sy’n talu?

Mae’r cwmni ynni adnewyddadwy, Tidal Lagoon Power, am gael cymhorthdal ar gyfer y cynllun gwerth £1.3 biliwn.

Fe fyddai’r morlyn yn cynnwys adeiladu morglawdd siâp U ar yr arfordir, gydag olwynion dŵr i geisio casglu llanw’r môr i gynhyrchu ynni adnewyddadwy.

Mae’r bobol y tu ôl i’r prosiect yn dweud y gallai’r morlyn newydd gynhyrchu digon o ynni ar gyfer 155,000 o dai am 120 o flynyddoedd.

“Rydym yn gwybod ei fod yn gweithio. Un o’r manteision gwych yw ei fod yn hollol ddibynadwy,” meddai Charles Hendry ar raglen Today, Radio 4.

Pryderon

Er bod y Llywodraeth wedi datgelu ei fod yn cefnogi morlynnoedd, fe ddywedodd y cyn Prif Weinidog, David Cameron, fod ei frwdfrydedd dros y cynllun wedi lleihau a hynny am y costau sylweddol.

Mae elusen Greenpeace wedi cefnogi’r prosiect ond mae rhai grwpiau cadwraeth wedi codi pryderon dros fwrw ymlaen â chreu’r morlynnoedd cyn asesu’r effaith ar fywyd gwyllt.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.