Clybiau rygbi’n destun balchder, yn ôl Cadeirydd Undeb Rygbi Cymru

 
Logo Undeb Rygbi Cymru

Llun: Undeb Rygbi Cymru

Mae Gareth Davies, cadeirydd Undeb Rygbi Cymru, wedi ysgrifennu at glybiau rygbi yng Nghymru yn canmol eu hymateb i benderfyniad yr Undeb i ganslo’r tymor rygbi oherwydd y coronafeirws.

Golyga hyn na fydd rhai timau yn cael dyrchafiad haeddiannol.

Eglura Gareth Davies, sydd wedi bod yn gadeirydd Undeb Rygbi Cymru ers 2014, fod “nifer o glybiau yn siomedig, ond pob un yn deall y sefyllfa yr ydym i gyd ynddi.”

“Mae’r clybiau yn destun balchder – yn cefnogi ei gilydd a’r bobol fwyaf bregus yn ein cymdeithas.”

Yr wythnos diwethaf, cadarnhaodd Undeb Rygbi Cymru eu bod nhw’n disgwyl gwneud colledion ariannol sylweddol eleni.

Er hyn, cadarnhaodd Gareth Davies y byddai taliadau grant yn cyrraedd y clybiau fel arfer fis Ebrill, yn ogystal â thaliad ychwanegol o £1,000 i gefnogi pob clwb.

Mae hi wedi bod yn flwyddyn anodd i nifer o glybiau – yn ogystal â’r coronafeirws yn gynharach eleni, cafodd nifer o glybiau eu heffeithio gan lifogydd yn dilyn stormydd Ciara a Dennis.

Edrych tua’r dyfodol

“Mae’r aildrefnu digwyddiadau yn rhywbeth sy’n dal i gael ei ystyried,” meddai Martyn Phillips, prif weithredwr Undeb Rygbi Cymru.

“Canlyniad da fyddai bod y pandemig yn tawelu erbyn mis Mai neu fis Mehefin ac y gallai’r tymor hwn gael ei gwblhau yn yr haf, ond yr hyn sy’n rhaid i ni ei wneud yn y cyfamser yw cynllunio ar gyfer pob sefyllfa.”

Mewn cyfweliad gyda Wales Online, dywed Martyn Phillips ei fod yn ffyddiog y bydd Cymru yn gallu teithio i Japan a Seland Newydd ar gyfer eu taith haf eleni.

Er hyn, mae’n cydnabod y gallai hyn newid pe bai Llywodraeth Prydain yn penderfynu ymestyn y cyfyngiadau am gyfnod hirach.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn