Bois y Sosban yn trechu’r Southern Kings

Diweddarwyd am  

Scarlets 36–17 Southern Kings

Cafodd y Scarlets fuddugoliaeth bwynt bonws wrth iddynt groesawu’r Southern Kings i Lanelli yn y Guinness Pro14 nos Sul.

Dau bwynt yn unig a oedd ynddi ar hanner amser ar Barc y Scarlets ond rheolodd y tîm cartref wedi’r egwyl i ennill y gêm yn gyfforddus yn y diwedd.

Er i Courtney Winaar gicio’r Kings dri phwynt ar y blaen, y Scarlets a gafodd gais cyntaf y noson, Tevita Ratuva yn croesi wedi dadlwythiad gwych y prop, Phil Price!

Rhoddodd trosiad Dan Jones y tîm cartref bedwar pwynt ar y blaen ond yn ôl y daeth y tîm o Dde Affrica gyda chais Howard Mnisi yn eu rhoi yn ôl ar y blaen ddeuddeg munud cyn yr egwyl.

Ond Bois y Sosban a oedd ar y blaen wrth droi diolch i gais Ed Kennedy, y blaenasgellwr yn canfod ei hun ar yr asgell i gwblhau symudiad slic gan yr olwyr, 12-10 y sgôr wedi deugain munud.

Aeth y Kings ar y blaen yn gynnar yn yr ail hanner gyda chais Chris Hollis ond ymatebodd y Scarlets yn dda. Dim ond Bois y Sosban a oedd ynddi yn yr hanner awr olaf a chroesodd y Cymry am bedwar cais i ennill y gêm yn gyfforddus.

Daeth y cyntaf o’r rheiny wrth i’r eilydd, Ryan Conbeer, orffen yn wych ar yr asgell dde a’r nesaf wrth i Uzair Cassiem hyrddio drosodd wrth y pyst.

Gyda’r pwynt bonws yn ddiogel, dilynodd dau gais arall i Dan Jones a Tom Rogers yn y deuddeg munud olaf, 36-17 y sgôr terfynol.

Mae’r canlyniad yn cadw tîm Brad Mooar yn drydydd yn nhabl adran B y Pro14.

.

Scarlets

Ceisiau: Tevita Ratuva 20’, Ed Kennedy 34’ Ryan Conbeer 52’, Uzair Cassiem 62’, Dan Jones 69’, Tom Rogers 72’

Trosiadau: Dan Jones 21’, 53’, 63’

.

Southern Kings

Ceisiau: Howard Mnisi 28’, Christopher Hollis 47’

Trosiadau: Demetri Catrakilis 29’ 48’

Cic Gosb: Courtney Winaar 14’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn