Er mai Ffrainc sydd ar frig tabl y Chwe Gwlad gyda naw pwynt o’u dwy gêm gyntaf, dydyn nhw ddim wedi ennill yng Nghaerdydd ers 2010 – y tro diwethaf iddyn nhw ennill y Gamp Lawn.

Dyma fydd y tro cyntaf i Gymru a Ffrainc wynebu ei gilydd ers rownd yr wyth olaf yng Nghwpan Rygbi’r Byd fis Hydref diwethaf.

Enillodd Cymru’r gêm honno 20-19, cyn colli i’r pencampwyr De Affrica yn y rownd gyn derfynol.

Oherwydd anaf i Damian Penaud mae Gael Fickou, y chwaraewr sydd wedi’i gapio fwyaf i Ffrainc, yn dychwelyd i’r asgell. O ganlyniad i hyn Arthur Vincent a Vitim Vakatawa sydd wedi eu dewis i ddechrau yng nghanol y cae

Mae yna newidiadau hefyd ar y fainc, bydd y prop Jean-Baptiste Gros a’r blaenasgellwr Dylan Cretin yn ennill eu capiau cyntaf pe baent nhw’n chwarae rhan yn y gêm ddydd Sadwrn.

“Rydym yn mynd yna i ennill” – Shaun Edwards

Dyma fydd y tro cyntaf i gyn-hyfforddwr amddiffynnol Cymru, Shaun Edwards sydd nawr yn hyfforddwr amddiffynnol Ffrainc wynebu Cymru.

“Rydym yn chwarae yn erbyn y pencampwr, felly mae’n rhaid i ni chwarae fel pencampwyr – rydym yn mynd yna i ennill,” meddai.

Tîm Ffrainc i wynebu Cymru:

  1. Anthony Bouthier
    14. Teddy Thomas
    13. Virimi Vakatawa
    12. Arthur Vincent
    11. Gaël Fickou
    10. Romain Ntamack
    9. Antoine Dupont
  2. Cyril Baille
    2. Julien Marchand
    3. Mohamed Haouas
    4. Bernard Le Roux
    5. Paul Willemse
    6. François Cros
    7. Charles Ollivon (c)
    8. Grégory Alldritt

Eilyddion:

  1. Camille Chat
    17. Jean-Baptiste Gros
    18. Demba Bamba
    19. Romain Taofifenua
    20. Dylan Cretin
    21. Baptiste Serin
    22. Matthieu Jalibert
    23. Thomas Ramos