Caeredin yn curo’r Dreigiau

Diweddarwyd  

Caeredin 20–7 Dreigiau

Colli fu hanes y Dreigiau wrth iddynt deithio i Murrayfield i wynebu Caeredin yn y Guinness Pro14 nos Wener.

Roedd un cais ym mhob hanner, y naill i Kinghorn a’r llall i Van Der Merwe, yn ddigon i’r tîm cartref.

Chwarter awr a oedd ar y cloc pan groesodd Caeredin am y cais cyntaf, cyflymder Blair Kinghorn yn hollti’r amddiffyn yn rhwydd.

Llwyddodd Simon Hickey gyda’r trosiad cyn ychwanegu cic gosb ar ddiwedd yr hanner i roi deg pwynt o fantais i’r tîm cartref wrth droi.

Ymestynnodd Hickey y bwlch gyda phwyntiau cyntaf yr ail hanner, cic gosb arall.

Cafwyd ymateb da gan y Dreigiau serch hynny gyda throsgais yn eu rhoi yn ôl yn y gêm toc cyn yr awr, Adam Warren yn sgorio o dan y pyst yn dilyn dwylo hyfryd Sam Davies.

Os roddodd hynny lygedyn o obaith i’r Cymry, fe ddiflannodd hwnnw bum munud yn ddiweddarach wrth i Duhan Van Der Merwe garlamu trwy eu hamddiffyn i sgorio ail gais Caeredin, 20-7 y sgôr wedi trosiad Hickey.

Mae’r Dreigiau yn aros yn bumed yn nhabl adran A y Pro14.

.

Caeredin

Ceisiau: Blair Kinghorn 15’, Duhan Van Der Merwe 63’

Trosiadau: Simon Hickey 16’, 64’

Ciciau GCosb: Siomon Hickey 40’, 55’

Cerdyn Melyn: Ben Toolis 47’

.

Dreigiau

Cais: Adam Warren 58’

Trosiad: Sam Davies 58’

Cerdyn Melyn: Huw Taylor 55’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd