Leinster yn rhoi crasfa iawn i’r Dreigiau yn y Pro 14

Diweddarwyd  

Leinster 50–15 Dreigiau

Cafodd y Dreigiau grasfa go iawn wrth iddynt deithio i Ddulyn i herio Leinster yn y Guinness Pro14 nos Wener.

Roedd talcen caled yn wynebu’r Cymry o’r dechrau wrth iddynt herio pencampwyr y tymor diwethaf sydd heb golli gêm y tymor hwn. Ac felly y profodd hi wrth i’r tîm cartref groesi am wyth cais ar yr RDS.

Wyth munud yn unig a gymerodd hi i Michael Bent groesi am y cyntaf o’r wyth cyn i Dave Kearney ychwanegu’r ail hanner ffordd trwy’r hanner.

Tarodd y Dreigiau yn ôl wedi hynny gyda chais Jordan Williams ond Leinster a orffennodd yr hanner orau wrth i Harry Byrne drosi ei gais ei hun, 19-8 y sgôr wrth droi.

Roedd y pwynt bonws yn ddiogel pan groesodd Ronan Kelleher am bedwerydd Leinster yn gynnar yn yr ail hanner ac roedd y gêm yn prysur fynd o gyrraedd y Dreigiau.

Dilynodd pumed cais yn fuan wedyn, un gorau y noson wrth i Kearney groesi am ei ail ef yn dilyn cic letraws berffaith Byrne.

Trodd hi’n grasfa wedi hynny wrth i’r tîm cartref sgorio tri chais arall mewn cyfnod o bum munud hanner ffordd trwy’r hanner, dau i’r asgellwr James Lowe o bobtu un i’r eilydd, Hugh O’Sullivan.

Golygodd hynny mai cais cysur yn unig a oedd ymdrech Owen Jenkins i’r Cymry, 50-15 y sgôr terfynol.

Mae’r canlyniad yn gadael y Dreigiau yn bumed yn nhabl adran A y Pro14 gyda dwy fuddugoliaeth o’u pum gêm gyntaf.

.

Leinster

Ceisiau: Michael Bent 8’, Dave Kearney 21’, 46’, Harry Byrne 32’, Ronan Kelleher 43’, James Lowe 58’, 63’, Hugh O’Sullivan 61’

Trosiadau: Harry Byrne 22’, 34’, 59’, 62’, 64

.

Dreigiau

Ceisiau: Jordan Williams 28’, Owen Jenkins 80’

Trosiad: Sam Davies 80’

Cic Gosb: Sam Davies 19’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd