Tîm rygbi Lloegr yn cael ei gosbi am herio’r Haka

 

Llun: CC0

Mae tîm rygbi Lloegr wedi cael dirwy am groesi’r llinell hanner er mwyn herio’r Haka yn eu gêm gyn-derfynol yng Nghwpan y Byd yn erbyn Seland Newydd yn Japan.

Fe wnaethon nhw ffurfio siâp ‘V’ wrth sefyll i wynebu’r rhyfelgri, ond fe wnaethon nhw dorri rheolau wrth fethu ag aros yn eu hanner eu hunain o’r cae.

Ac fe wnaethon nhw hynny er i’r dyfarnwr Nigel Owens a’i gynorthwyr eu rhybuddio i gamu’n ôl.

Mae lle i gredu mai £2,000 o ddirwy gawson nhw, ac y bydd yr arian yn cael ei roi i elusen swyddogol corff Rygbi’r Byd, sy’n helpu mwy na 25,000 o blant difreintiedig yn Asia.

Cafodd y digwyddiad ei ddefnyddio ar wefannau cymdeithasol y trefnwyr i hyrwyddo’r gystadleuaeth, ond mae’n ymddangos ei fod yn groes i reolau’r corff sy’n goruchwylio’r gêm.

Mae’r digwyddiad hefyd ymhlith pum digwyddiad gorau’r trefnwyr. Roedd fideo o’r digwyddiad wedi cael ei wylio 4,118,515 o weithiau hyd at Hydref 26.

Cafodd Ffrainc ddirwy o £2,500 wyth mlynedd yn ôl am wneud yr un peth yn Auckland.

Rygbi

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd