Buddugoliaeth i’r Scarlets yn erbyn Glasgow

Diweddarwyd am  

Glasgow 21–25 Scarlets

Sgoriodd y Scarlets dri chais mewn cyfnod o chwe munud ar ddechrau’r ail hanner i drechu Glasgow yn y Guinness Pro14 ar Scotstoun nos Wener.

Roedd hi’n gyfartal ar yr egwyl ond cymerodd y Cymry reolaeth o’r gêm yn gynnar yn yr ail gyfnod gyda cheisiau Hardy, Asquith a Steff Evans.

Chwe phwynt yr un a oedd hi ar hanner amser yn dilyn cic gosb yr un gan Brandon Thompson a Dan Jones.

Ychwanegodd Thompson dri phwynt arall i roi Glasgow ar y blaen yn gynnar yn yr ail hanner ond roedd ymateb y Scarlet yn gyflym ac yn bendant.

Kireran Hardy a sgoriodd y cais cyntaf, yn croesi wedi bylchiad gwreiddiol Paul Asquith. Ar ôl creu’r cyntaf, Asquith a sgoriodd yr ail yn dilyn rhyng-gipiad Johnny McNicholl.

Chwaraeodd Steff Evans ei ran yn yr ail gais hefyd a’r asgellwr a sgoriodd y trydydd ei hun. Digwyddodd y cyfan o fewn ychydig funudau ond rodd yr ymwelwyr 16 pwynt ar y blaen gydag ychydig llai na hanner awr yn weddill.

Yn ôl y daeth Glasgow gyda chais yr un gan Thompson a Stafford McDowall ond dim ond digon am bwynt bonws a oedd hynny, 21-25 y sgôr terfynol o blaid Bois y Sosban.

.

Glasgow

Ceisiau: Brandon Thompson 63’, Stafford McDowall 73’

Trosiad: Brandon Thompson 64’

Cic Gosb: Brandon Thompson 9’, 40’, 44’

.

Scarlets

Ceisiau: Kieran Hardy 46’, Paul Asquith 49’, Steff Evans 52’

Trosiadau: Dan Jones 47’, Angus O’Brien 50’

Ciciau Cosb: Dan Jones 24’, 38’

Cerdyn Melyn: Josh Macleod 79’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd