Cymru am gadarnhau eu lle ar y brig drwy guro Lloegr

Diweddarwyd am  
Logo Undeb Rygbi Cymru

Llun: Undeb Rygbi Cymru

Fe fydd tîm rygbi Cymru’n gallu hawlio eu lle yn swyddogol ar frig rhestr detholion y byd drwy guro Lloegr yn Twickenham heddiw (dydd Sul, Awst 11).

Maen nhw ar y brig yn answyddogol ar ôl i Awstralia drechu Seland Newydd ddoe, gan ddod â degawd o oruchafiaeth y Crysau Duon i ben.

Bydd y rhestr ddiweddaraf yn cael ei chyhoeddi’n swyddogol ddydd Llun.

Mae Cymru’n mynd am bymthegfed buddugoliaeth o’r bron, wrth iddyn nhw baratoi ar gyfer Cwpan y Byd yn Japan, a diwedd cyfnod Warren Gatland wrth y llyw cyn i Wayne Pivac gymryd yr awenau.

Ac mae’r tîm yn cynnwys 13 o’r chwaraewyr gurodd Iwerddon i ennill Pencampwriaeth y Chwe Gwlad yn gynharach eleni, gan gynnwys y capten Alun Wyn Jones, fydd yn torri’r record am y nifer fwyaf o gapiau dros Gymru yng ngêm rhif 126 i’r chwaraewr ail reng.

Mae e hefyd wedi cynrychioli’r Llewod mewn naw gêm brawf.

Newid yn y garfan

Mae un newid hwyr yng ngharfan Cymru, wrth i’r mewnwr Tomos Williams orfod methu’r gêm o ganlyniad i anaf i’w ysgwydd.

Roedd disgwyl iddo fe gymryd ei le ymhlith yr eilyddion, ond bydd ei le ar y fainc yn cael ei gymryd gan Aled Davies.

O safbwynt Lloegr, mae Sam Underhill, Henry Slade a Ruaridh McConnochie wedi tynnu’n ôl o’r garfan oherwydd anafiadau, ac mae Jonathan Joseph, Lewis Ludlam a Joe Cokanasiga i mewn yn eu lle.

Tîm Cymru: L Williams, G North, J Davies, H Parkes, J Adams, G Anscombe, G Davies; N Smith, K Owens, T Francis, A Beard, A Wyn Jones, A Wainwright, J Tipuric, R Moriarty.

Eilyddion: E Dee, W Jones, D Lewis, J Ball, A Shingler, A Davies, D Biggar, O Watkin.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd