Mark Jones yn gadael Rygbi Gogledd Cymru

 

Mae Mark Jones wedi cyhoeddi ei fod yn camu o’r neilltu fel prif hyfforddwr Rygbi Gogledd Cymru 1404 wedi tair blynedd wrth y llyw.

Fe arweiniodd y cyn-asgellwr a chyn-hyfforddwr cefnwyr Cymru y clwb rhanbarthol i’r Cwpan Cenedlaethol yn 2017, ac ar ddiwedd y tymor eleni fe gyrhaeddon nhw’r wythfed safle yn yr Uwch Gynghrair.

Daw ymadawiad Mark Jones ar ôl i Rygbi Gogledd Cymru drechu Clwb Rygbi Caerdydd o 63 wynt i 24 yn eu gêm olaf o’r tymor dros y penwythnos.

“Fy ngorchest fwyaf oedd sicrhau bod cyfleoedd yn cael eu creu ar gyfer y chwaraewyr,” meddai Mark Jones.

“Mae’r cefnogwyr wedi bod yn anhygoel i mi ac wedi cyd-sefyll â mi, boed mewn buddugoliaeth neu golled, yn ogystal â chwarae rhan fawr yn yr hyn rydyn ni wedi eu cyflawni.

“Mae yna syched am rygbi yng ngogledd Cymru, ac rydyn ni wedi cael y dorf fwyaf yn y gynghrair ac fe aethon ni â niferoedd mawr i’r Stadiwm Principality adeg ennill y cwpan.”

Mae cyd-gapten y clwb, Evan Yardley, hefyd wedi cyhoeddi y bydd yn gadael ar ddiwedd y tymor, a hynny er mwyn ymuno â Chaerdydd.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd