Y Gweilch yn trechu’r Scarlets

Diweddarwyd  

Gweilch 21–10 Scarlets

Y Gweilch a fydd unig gynrychiolwyr Cymru yng Nghwpan Pencampwyr Ewrop y tymor nesaf wedi iddynt drechu’r Scarlets mewn gêm ail gyfle ar y Liberty nos Sadwrn.

Roedd y ddau dîm o Gymru’n wynebu ei gilydd i frwydro am y lle olaf yn y brif gystadleuaeth Ewropeaidd ar ôl gorffen yn bedwerydd yn eu hadrannau yn y Guinness Pro14.

Roedd angen tacl wych gan Leigh Halfpenny i atal Keelan Giles rhag croesi am gais cyntaf y gêm wedi dim ond tri munud ond ni fu rhaid i’r Gweilch aros yn hir. Croesodd George North yn y gornel dde i roi’r tîm cartref ar y blaen cyn i Sam Davies ychwanegu’r trosiad wedi wyth munud.

Caeodd Halfpenny’r bwlch gyda chic gosb wedi hynny cyn i Olly Cracknell hyrddio drosodd o dan y pyst i ymestyn mantais y Gweilch, 14-3 y sgôr wedi trosiad Davies.

Gorffennodd y Gweilch yr hanner gyda phedwar dyn ar ddeg wedi i Hanno Dirksen gael ei anfon i’r gell gosb am drosedd ar Johnny McNicholl yn yr awyr.

Manteisiodd y Scarlets yn syth gyda Jonathan Davies yn croesi am gais cyntaf yr ymwelwyr wedi gwaith da McNicholl ar y dde.

Arafodd y sgorio wedi’r egwyl ond roedd buddugoliaeth y Gweilch yn ddiogel ddeg munud o’r dwiedd wrth i Dirksen groesi wedi pas hir Luke Price.

Y Gweilch felly a fydd yr unig dîm o Gymru yng Nghwpan Pencampwyr Ewrop y tymor nesaf a bydd yn rhaid i’r Scarlets fodloni ar le yng Nghwpan Her Ewrop.

.

Gweilch

Ceisiau: George North 7’, Olly Cracknell 16’, Hanno Dirksen 71’

Trosiadau: Sam Davies 8’, 17’, Luke Price 71’

Cerdyn Melyn: Hanno Dirksen 33’

.

Scarlets

Cais: Jonathan Davies 34’

Trosiad: Leigh Halfpenny 35’

Cic Gosb: Leigh Halfpenny 13’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd