Cymru a Warren Gatland yn llygadu’r Gamp Lawn

Diweddarwyd am  
Warren Gatland (chwith) ac Alun Wyn Jones (dde)

Warren Gatland (chwith) ac Alun Wyn Jones (dde)

Llun Undeb Rygbi Cymru

Fe fydd tîm rygbi Cymru yn gobeithio bod Pencampwriaeth y Chwe Gwlad olaf Warren Gatland yn gorffen yn yr un modd â’r gyntaf – gyda thlws y Gamp Lawn.

Mae Pencampwriaeth y Chwe Gwlad yn dod i ben heddiw.

2008 oedd y tro diwethaf i Gymru gipio’r Gamp Lawn, a dim ond Iwerddon sydd rhyngddyn nhw â’r gamp honno unwaith eto eleni.

Bydd y prif hyfforddwr yn camu o’i swydd ar ôl Cwpan y Byd yn ddiweddarach eleni, ac fe fyddai’r ail Gamp Lawn i Gymru – a thrydydd Warren Gatland – yn record iddo ymhlith hyfforddwr yn y gystadleuaeth.

Iwerddon oedd y tîm diwethaf i guro Cymru, sydd wedi ennill 13 o gemau o’r bron. Daeth y golled honno yn ystod y Chwe Gwlad y tymor diwethaf.

Pe bai Alun Wyn Jones yn arwain ei wlad i’r Gamp Lawn, fe fyddai’n ymuno â chriw dethol o chwaraewyr sydd wedi cyflawni hynny dair gwaith – criw sy’n cynnwys Gethin Jenkins, Adam Jones a Ryan Jones.

Gallai Iwerddon a Lloegr ennill y gystadleuaeth o hyd, pe bai Cymru’n colli.

Y to

Mae disgwyl i’r to fod ar agor ar gyfer y gêm, er bod rhybudd am dywydd garw yn ystod y dydd.

Iwerddon sydd wedi gofyn bod y to yn aros ar agor, yn groes i ddymuniadau Cymru.

Yn ôl y rheolau, rhaid i’r ddau dîm gytuno cyn bod modd cau’r to.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd