Warren Gatland wedi “newid seicoleg” rygbi – Sam Warburton

Diweddarwyd am  
Warren Gatland

Warren Gatland

Llun: Flickr Cynulliad Cenedlaethol Cymru

Mae un o gyn-chwaraewyr Cymru wedi canmol Warren Gatland am newid sut mae rygbi yng Nghymru yn cael ei ystyried.

Cystadleuaeth y Chwe Gwlad eleni fydd un olaf y prif hyfforddwr presennol, sydd wedi bod yn arwain y crysau cochion ers 12 mlynedd.

Fe all yr ymadawiad fod yn un melys iddo, gyda buddugoliaeth yn erbyn Iwerddon ddydd Sadwrn (Mawrth 16) yn golygu y bydd Cymru’n cipio’r Goron Driphlyg.

Dyma fydd y trydydd tro i Warren Gatland arwain tîm Cymru at lwyddiant o’r fath, gan ddilyn y buddugoliaethau yn 2008 a 2012.

“Newid seicoleg”

Mae disgwyl i Warren Gatland gamu o’r neilltu ar ddiwedd cystadleuaeth Cwpan y Byd yn Siapan yn yr hydref.

Yn ôl cyn-asgellwr Cymru, Sam Warburton, does dim dadlau ynghylch yr effaith mae’r gŵr o Seland Newydd wedi ei gael ar rygbi’r wlad.

“Mae bellach yn normal i ddisgwyl ennill cystadleuaeth y Chwe Gwlad yn flynyddol,” meddai. “Mae wedi newid seicoleg tîm Cymru a’r cyhoedd.

“Mae’r statws o fod yn dangyflawnwyr bellach wedi mynd. Dydych chi ddim eisiau bod yn dangyflawnwr.

“Mae’n rhaid gweithio’n galed i fod ar y brig, ac mae [Warren Gatland] wedi llwyddo i gael y bechgyn a’r cyhoedd yn y cyflwr meddwl hwnnw.

“Maen nhw [y cyhoedd] yn disgwyl cymaint o dîm Cymru, ac mae hynny diolch i Warren.”

 

Rygbi

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd