Gallai Scott Williams fod allan o’r Chwe Gwlad

 

Scott Williams

Llun: Charlie from UK CC 2.0 trwy Commons Wikimedia

Mae adroddiadau na fydd canolwr Cymru, Scott Williams ar gael am weddill Pencampwriaeth y Chwe Gwlad, wrth iddo dderbyn triniaeth ar ei gefn.

Fe fydd y newyddion yn ergyd drom i Gymru ar drothwy’r ornest fawr yn erbyn Lloegr yng Nghaerdydd ar Chwefror 23.

Mae Cymru eisoes heb yr wythwr amlwg Taulupe Faletau, sydd wedi anafu ei fraich.

Mae Cymru’n ail yn y tabl ac yn ddi-guro yn eu dwy gêm gyntaf yn y gystadleuaeth yn erbyn Ffrainc a’r Eidal.

“Mae Scott Williams wedi cael ei ryddhau o’r garfan ar gyfer Pencampwriaeth y Chwe Gwlad Guinness 2019 i ganolbwyntio ar wella o anaf i’w gefn gyda’i ranbarth,” meddai Undeb Rygbi Cymru mewn datganiad.

“Teimlir y bydd ei anaf yn ei atal rhag cymryd rhan yn y gystadleuaeth.

“Bydd diweddariad yn cael ei roi yn ddiweddarach heddiw ynghylch chwaraewyr sydd wedi’u rhyddhau i’w rhanbarthau i chwarae dros y penwythnos.”

Mae newyddion gwell am ffitrwydd tri chwaraewr arall, wrth i’r cefnwr Leigh Halfpenny (cyfergyd), y maswr Rhys Patchell a’r prop Leon Brown ymarfer yn llawn gyda’r garfan.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd